周潤發 助 王晶 拍 2014年T VB賀 歲片 周潤發 復出再演《賭神4》
曾志偉連續四年為TVB拍賀歲電影均大收旺場，但因志偉以慶祝60大壽為由，明年賀歲片將交棒給好友王晶走馬上任。據知，王晶將原訂今年5月開拍的新片《賭神》第4部曲《誰與爭鋒》押後至11月開工，以配合賀歲檔期，而告別港產片18年的國際巨星周潤發更出山助老友再演賭神，跟謝霆鋒作師徒對決，為求以今次賀歲片攞番個彩，TVB竟揸頸就命，一眾親生仔女將無緣跟發哥合作，女主角由新一代「晶女郎」，貌似邱淑貞的24歲童菲擔任，一眾TVB花旦恨到流晒口水。
掌門人曾志偉講明今年要吃喝玩樂，瘋狂慶祝60大壽，手上的工作推得就推，但為幫「殼王」陳國強「打」救收視，完成《超級無敵獎門人終極篇》同監製無綫重頭劇《Aerobic Girls》後便功成身退。據知，志偉經已講明唔再幫手監製同策劃明年TVB的賀歲電影，交由跟TVB關係友好的王晶接手。晶哥亦坦承有此事：「我哋仲喺度傾緊，合作可能性好大，初步構思將5月開拍的新片換做賀歲片，所以押後咗開工時間！」至於是否再續16年前的《賭神》傳奇，開拍《賭神》第4部曲《誰與爭鋒》？晶哥則未有詳述，他說：「仲未百分百落實！」
童菲執到好籌
《誰與爭鋒》斥資1億元拍攝，男一是賭神發哥，男二為刀仔二代謝霆鋒，兩師徒關係亦敵亦友，徒弟最後竟調轉槍頭與師傅對決，兩代影帝同場較量夠晒吸引。而當年王祖賢飾演的刀仔女友一角就由「晶女郎」童菲擔任。之前鍾楚紅坦承心癢癢恨為發哥而復出，只要唔做媽咪角色，做發哥老婆或女友就冇所謂！對此，問到晶哥可會撮合這對《秋天的童話》經典銀幕情侶？他解釋：「有適合會，但今次冇角色啱佢！」
懶理TVB詐型
TVB賀歲電影一向以多卡士加大堆頭取勝，一堆TVB姐仔哥仔均有份演出，而二○一三年《我愛HK》擺明力捧徐子珊和黃宗澤，但今次王晶卻捧番自己人，現任「晶女郎」童菲跑出，TVB姐仔統統要讓路，有發哥，連TVB都冇得SAY NO！徐子珊只能恨到流晒口水。晶哥斬釘截鐵：「今次冇TVB花旦演出！（TVB有冇詐型？）總之冇啦，唔方便講咁多。」
兩代影帝較量
58歲的發哥自94年拍完《賭神2》後便到荷里活闖天下，告別港產片18年，其間多為導演如杜Sir等均對他虎視眈眈。據知，因為跟王晶識於微時，加上合作無間，以及是同年同月生日（55年5月），所以兩人感情相當深厚，故二話不說「復出」拍攝港產片助老友再闖高峰。而之前晶哥跟霆鋒合作過電影《我的野蠻同學》及電視劇《小魚兒與花無缺》，大讚謝霆鋒在他心目中早已是影帝，有機會挑戰曾問鼎影帝10多次的梁朝偉，對他評價很高。
24年前上映的《賭神》勁收3,700萬港元。
新任刀仔 ※被王晶激讚的霆鋒將演2014年版的陳刀仔。
留言列表
