句句金
句句金
最近有報道指劉嘉玲搵代母產子，日前佢出席活動開腔否認：
我幾多歲呀？如果生都自己生。
你今年 47歲囉。要生唔係唔得，不過要快囉，時間唔等人㗎。
佢仲話人人價值觀同人生態度都唔一樣，
我哋好開放，有冇子女都開心。依家科技要做，都可以做到。
你開心就得啦，媽咪姐都係嗰句：有仔趁嫩生！
唔好唔記得，生完仲要養㗎。臨近半百先嚟孭兒女債，有心都未必有力啦，係咪？
現今好多女星經後天加工，已經冇晒自然美。難怪有個天然靚老婆嘅張智霖不禁大嘆：
我唔知啲人係咪整容，個個樣一樣。自己有面盲症，分唔到邊個打邊個。
分唔到都無所謂啦，你認得靚靚一個咪得囉。
近日埋首拍無綫新劇《 My盛 Lady》嘅黃子華一向搞笑，早兩日仲誇下海口：
我打算兩年內結婚同抱孫。
莫非你之前生落私生子？係就恭喜晒，媽咪姐做定人情參加你婚宴同孫仔嘅百日宴呀！
頻頻話減肥嘅苟芸慧，唔知點解愈減愈肥，但佢堅稱已做出成績，
大家日日見到我，所以唔覺……好似化妝師、造型師都話我瘦咗。
佢要自我安慰都冇辦法，媽咪姐只係相信，觀眾嘅眼睛係雪亮嘅。
全站熱搜
留言列表
