Chok到爆行紅地氈嗰時，內地影迷猛嗌霆鋒，猶如皇上出巡，好誇！ 

媽咪姐

謝霆鋒　兩個樣

上個禮拜，媽咪姐上咗四川成都，睇「格林美巨星音樂會」，中外歌星明星都有，好鬼繽紛！但講到 chok呢，我哋嘅霆鋒只要認咗第三，應該都無人敢認係第一同第二咯。你睇佢呢身恤衫闊褲踢拖 look，用嚟行紅地氈，真係型絕一時！然後霆鋒輕輕揮一揮手，連大老闆楊受成都唔敢行太埋，怕踩親佢條飄逸長褲，又阻住佢 chok吖嘛。

 

之不過，完騷之後，楊受成帶住霆鋒同已故中共元老鄧小平嘅妹妹鄧先英食飯，佢即刻企定定，郁都唔敢郁，好似個小朋友咁！好明顯，佢一啲都唔驚老闆，但特別尊敬長者喎。好似佢今次都特登喺成都留多一日，上青城山拜祭風水師陳伯，又為一百零三歲嘅嫲嫲祈福，算你啦。


乖到震經理人霍汶希喺微博上載霆鋒同鄧先英嘅合照，仲話：「站在鄧阿姨旁的霆鋒很莊重。」 

有「富豪御用風水師」之稱嘅陳伯，一早話霆鋒會大紅。今次霆鋒去四川，亦專誠去拜祭呢位高人。 

容祖兒係當晚表演嘉賓之一，喺雨中狂歌熱舞，差啲跣低！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄