媽咪姐
港姐超想像
有時啲嘢真係好邪！今屆香港小姐競選口號係「超越想像」，結果呢，周一（ 10日）初選嗰班佳麗確係「超」乎想像咁精彩！唔使畫公仔畫出腸啦，你明嘅，衰鬼。
溫馨之選
睇勻全場，呢位有啲似上屆季軍朱千雪、仲係鞏俐師妹嘅劉溫馨小姐，算係最省鏡！如果印埋啲面油， perfect！
得成推介
呢位佳麗係嚟自「得成」嘅？佢講「沙嘩 de吸」呢？定係食開巴東牛肉㗎？
螢光章魚
嘴大唇厚無問題，但係白面加血紅大口，就真係攞你命三千！而當事人仲覺得自己好靚先至驚。
絕對北嫂
黑 top紫色短裙加粉藍色平底鞋！呢一身打扮，媽咪姐一見就覺得熟口熟面，好似深圳東門揼骨技師嘅衣着，絕對唔「港女」！
最勇鬥雞
咁明顯嘅「鬥雞眼」，唔好以為媽咪姐睇你唔到呀！邊個？究竟邊個係你提名人？佢分明想玩你囉。
同場加映
年年港姐年年選！究竟有乜咁吸引？睇吓 05年港姐亞軍陸詩韻，只要努力 keep靚啲，呢日又應邀同型男關禮傑齊齊去「新斗記」屯門新店剪綵嘞！
成名有價。
全站熱搜
留言列表
