| 李思捷撻着陳雅倫？ |
喺尖沙咀搞完公開嘅生日派對，第二日喬寶寶又喺九龍塘搞咗個私人嘅終極告別派對，而估唔到原來同寶寶係friend嘅陳雅倫，就兩個party都畀面出席。
最近就有傳四十七歲嘅陳雅倫同三十九歲嘅李思捷撻着，仲話佢哋成日去對方屋企度春宵。陳雅倫日前就唔避忌咁回應話，因為同思捷住得近，所以成日上對方屋企傾心事，而思捷嘅媽媽仲會煲湯畀佢飲添。兩人見面傾秘密之餘，陳雅倫仲會教思捷人生哲理，叫佢遠離妹妹仔，唔好咁花弗喎。
陳雅倫同思捷係唔係情侶，東姑就唔知嘞，之但係佢哋喺寶寶生日會上就非常親密，互飲之餘，思捷仲全晚扶住醉咗嘅陳雅倫。東姑記得，陳雅倫曾經話過唔介意發展姊弟戀，又話對方如果思想成熟就可以，似乎有弦外之音噃。思捷，小心女友春卷王寶寶呷醋好噃。
有傳陳雅倫同李思捷經常互訪香閨，兩人例牌否認，但係寶寶搞嘅兩日派對，兩人都孖住出現，關係不言而喻。
思捷同陳雅倫成日都孖住出席朋輩間嘅活動，形影不離，唔畀人傳都難。
寶寶喺圈中多朋友就係人都知，但係估唔到寶寶同陳雅倫都咁鬼friend。
全站熱搜
留言列表
