杏兒當日戴住冷帽黑超落中環血拼，眼利嘅佢離開鞋舖嗰陣發現媽咪姐，主動向鏡頭揮手。 

媽咪姐

胡杏兒單身快樂

胡杏兒自從同黃宗澤分手後，經常被指同幾個國內小生撻着，可惜統統都係爛桃花，搞到 dry咗年幾兩年嘅佢，經常開口埋口話恨拍拖。

 

感情冇着落，杏兒惟有使錢解憂愁。正在趕拍《巾幗 3》嘅佢，早前忙裏偷閒踩入中環，到法國神級鞋履品牌「 Christian Louboutin」朝聖，一睇就睇成半粒鐘有多。雖然最後冇收穫，但 window shopping下都幾開心吖。其實近年頻頻北上搵銀嘅杏兒搵埋唔少，身價年年遞增，咁好條件，搵男人唔使急！



雖然杏兒包到冚行街，但仍被不少途人認得，街上其中兩位男士更忍唔住對佢上下打量。 

杏兒喺鞋舖行咗幾個白鴿轉，睇完幾對斗零踭又睇埋紅色窩釘散紙包，但最後依然冇斬獲，要求好高喎！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄