劉德華 玩鴨唔夠B女放
近日全城興起追鴨熱，荷蘭概念藝術家 Florentijn Hofman(霍夫曼)「橡皮鴨」終於游到香港。呢隻Rubber Duck吸引到唔少明星熱捧，就連劉德華細路仔時都搵佢陪洗白白，就知佢有幾得意啦！
呢隻身高16.5米、約6層樓高「橡皮鴨」，本身係一件當代充氣藝術品，佢充滿童年回憶，而且無分年齡種族疆界，象徵快樂和美好。自2007年開始，「橡皮鴨」就開始周遊列國，當中包括日本大阪、澳洲悉尼、巴西聖保羅及荷蘭阿姆斯特丹等。
「橡皮鴨」到香港除展覽之外，重背負為「心晴行動慈善基金」籌款，幫助精神或情緒病患者使命，唔怪得連劉天王都特登抽時間走到老遠去同佢影相做訪問。
另外，有唔少見過或者未見過「橡皮鴨」藝人，都加入鴨「瘋」族，連羅敏莊B女陳禛都同鴨鴨泡泡浴，齊齊加入膠鴨熱。
放大圖片
全站熱搜
留言列表
