句句金
句句金
林峯同吳千語不嬲愛得癡纏，早前男方錄影《勁歌金曲》時，唔知醜當眾向女友示愛：
我好愛好愛好愛好愛好愛好愛好愛 BB！
嘩，好肉麻好肉麻好肉麻好肉麻好肉麻好肉麻好肉麻！媽咪姐頂唔順啦！
得知男友當眾示愛後，千語 BB亦禮尚往來，
咁我講 7次多謝。
你講夠 1千次多謝都冇用啦。人哋示愛，係想你講番「我愛你」，乜你咁不解風情㗎千語 BB。
富黛戀雖然玩完，但日前郭富城開腔公開祝福舊愛，並表示：
Lynn喺我心目中係好朋友，永遠都係。
不過熊黛林淨係想〈但願不止是朋友〉哩，睇怕好朋友呢回事，係佢一廂情願嘅諗法。
陳冠希出席時裝活動時，拒絕回應有關阿嬌新戀情嘅問題，希望傳媒勿再重提佢哋嘅舊情，
某程度上，大家都明白發生乜嘢事，點解你哋要為難我同佢？不如俾我哋生活啦！
根據郭富城所講，分咗手都可以係好朋友，咁好朋友互相關心㗎嘛……媽咪姐同傳媒朋友都係八卦啫，你唔答，我哋唔會迫，陳公子嘅黑面絕技，你估好好受咩？
鍾嘉欣今年推出處女寫真，以 33B迎戰一眾𡃁模，
我係賣樣唔係賣身材。
咁又係， 33B賣咩鬼身材，都算嘉欣 BB有自知之明！
全站熱搜
留言列表
