我啲皮膚咁滑，全靠老婆啲護膚品咋！（設計對白）仲有我平日幫你做 facial呢！（設計對白）Suki作勢幫老公做 facial，一路晒恩愛一路宣傳品牌。 

媽咪姐

黃浩 Suki晒恩愛當宣傳

徐淑敏（ Suki）周一（ 4月 29日）為自家護膚品牌 SÈ VE宣傳，出資百萬俾老婆創業嘅黃浩親自到場打點之外，黃徐兩個親家（黃浩媽咪同徐淑敏媽咪）亦現身撐場。黃媽媽仲拎住相機四圍搵人影相留念，表現直頭興奮過榮升老闆娘嘅 Suki！

 

講番 Suki吖，佢為護膚品生意籌備兩年，可謂仆心仆命。老公黃浩雖然經濟上全力支持，但佢做生意咁耐，深明商場之道，開口埋口擔心老婆唔識做生意。 Suki當然知道老公心疼佢啦，為報答老公，佢即席為對方做咗幾吓 facial，晒恩愛之餘仲做埋宣傳。


宣傳活動當日， Suki請得一眾好友出席，個個短裙露肩，都幾養眼㗎。 

黃浩媽媽先搵親家影相，再叫大隻黑人保鑣幫忙揸機，興奮過黃浩同 Suki。 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄