博出位
快樂媽媽節
Mani霍汶希嬅 超萌 B女
星級經理人霍汶希喺兩年前低調未婚產女,今年母親節佢索性引爆呢個秘密。
Mani愛女眼大大白雪雪,似足媽咪咁靚女,唔知 Mani有冇諗定十年八年後兼職做埋 B女經理人呢?
朱茵嬅 Q版朱茵
靚媽朱茵囡囡黃鶯盡得媽媽真傳,雖然一歲未夠,但除咗精緻五官似足媽咪,精靈表情仲人見人愛,難怪連向來火爆嘅爹哋黃貫中都話俾你溶化囉!
楊千嬅 為食 Torres
38歲嘅楊千嬅上年生咗囝囝 Torres。母愛滿溢嘅佢經常更新 B仔嘅靚相,喺母親節大日子當然唔例外。不過 Torres手上嘅奶樽好似仲吸引過媽咪喎!
湯盈盈 大胃囡囡
湯盈盈餵人奶搞到日夜顛倒冇覺好瞓,最近惟有改半人奶半奶粉餵 B女 Alyssa。趁住母親節,呢位新手媽媽,就上載素顏餵囡囡飲奶嘅相上微博。見 B女飲晒成樽奶都依然捉實奶樽搏命啜,睇嚟好肚餓咁喎!
周家蔚嬅 四萬 B仔
周家蔚上個禮拜喺《玩嘢王》唔覺意爆咗同老公嘅閨房秘事,仲爆埋生 B全因老爺洪金寶俾壓力。不過見到 B仔洪大仁個四萬笑樣,就算老爺再俾壓力,相信周家蔚都會樂意接受嘅!
全站熱搜
留言列表