陳僖儀妹妹捧住亡姊遺照，進入火葬場，送姐姐最後一程，場面傷感。 

媽咪姐

有情送別陳僖儀

上個月因車禍去世嘅 26歲新晉歌手陳僖儀（ Sita），上周五（ 10日）喺沙田寶福山設靈，唱片公司預備咗 500隻 Sita嘅限量紀念專輯，送俾嚟致祭嘅摯愛親朋。陳僖儀媽媽同圈中前輩如陳慧琳、謝霆鋒、關心妍等都有喺碟中留言，唱片公司表示出售專輯嘅收入將會給予其家人。

 

媽咪姐覺得 Sita出道日子短短，但人緣唔錯，佢經理人 Paco（黄柏高）、緋聞男友林孝文醫生同沈震軒都專誠到來，陪 Sita行人生最後一段路。圈中仲有唔少合作過嘅藝人、近 300歌迷嚟送別呢位花樣紅顏。 Sita，一路好走！


跟 Sita合作過嘅沈震軒（左）周五（ 10日）去靈堂致祭，而另一緋聞男友林孝文醫生（右）就一連兩日陪 Sita走最後一程。 

霆鋒 Kelly好有心

陳僖儀係謝霆鋒（左）同陳慧琳（右）粉絲，兩位前輩都特登為 Sita嘅紀念碟親筆寫下感言，大嘆可惜。


arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄