家燕姐搵咗拍檔齊齊大搞幼兒興趣班，呢日佢就去咗拍檔位於油塘嘅兒童中心，研究吓點樣善用場地上堂，大女珊珊（右）亦陪伴左右。阿女，女人最緊要靠自己！（設計對白）放心啦！我哋三母女拍住上。（設計對白）
媽咪姐
兩女齊幫手 家燕姐揼千萬再發圍
母親節啱啱過咗，身為超級好媽媽嘅薛家燕，唔單止有大女石祐珊同細女石耀珠陪過節，仲搞緊盤大生意㖭！
媽咪姐收到風，今年 63歲嘅家燕姐，會慢慢減少幕前演出，重本投資千萬大搞幼兒興趣班。講起嚟，佢喺 05年已經成立咗「家燕媽媽藝術中心」，教授兒童演藝課程，依家就攻埋幼兒市場，生意真係愈做愈大！
Mega Box睇新舖睇完油塘嘅兒童中心，叫埋細女耀珠去 Mega Box，睇吓新中心嘅裝修進度，三母女一條心。 
油塘嘅兒童中心，地方寬敞，不過成班家長逼埋一角，追影家燕姐同大班細路仔擺 pose扮警察。咁受歡迎，難怪佢話想北上開多幾間分店啦！ 
家燕姐圈中好友眾多，呢日佢巧遇喺油塘做 show嘅阿 Bob，齊齊傾生意經。咦，阿 Bob咁好口才，可以考慮吓做導師喎！
請你試玩
「 Play House家燕媽媽藝術課程」現送出 50套 Play House入場券俾《忽周》讀者，每套包兩名成人及兩名兒童免費入場試玩遊戲設施，只要於 5月 17日起登入《 Sudden Club》，網址： http://www.suddenclub.com 
登記成為《 Sudden Club》會員，答對問題，即有機會獲得免費入場券一套共兩張。快手啦
全站熱搜
留言列表
