Step 3Set好轉盤、腳架就可以開始錄影。實試左手握機右手轉托盤係超難，都係用腳架好啲，一個人搞掂晒唔使人幫。轉盤$50、手機腳架$80

Fun App

Arqball Spin 篤住碌 360度自轉相

無論係清屋企舊玩物，還是搞 workshop自製工藝品，都唔少得網上拍賣呢個步驟。
想畀買家 360度睇清楚你件貨，可以用呢個「 Arqball Spin」影相 app幫手，軟件免費，幾十蚊買個轉盤托底，就可以 360度完全拍攝小物細節，完成後嘅圖片既唔係影片又唔係 GIF，總之你 share link畀人，任何智能手機用家都可以輕鬆篤芒轉動相片，睇清楚商品嘅前前後後左左右右，幾挑剔嘅買家都會滿意啦！

山寨架生影靚相

個 app雖然係免費，不過你都要自行買架生先影到旋轉相，所以都唔係 free lunch一頓。比如記者想 360度影鬆弛熊公仔上網賣，去日本城買個食飯圓枱用嘅轉盤托又得，貪平可以學我咁，幾十蚊買塊扭扭板就算數。之後就用雙面膠紙貼張白色畫紙托底，咁隻公仔就能影得更清楚。（本文為清楚表達轉動過程，冇用白色底紙）
自問係手震王，就行多轉去腦場用多幾十蚊買番個手機腳架，成個必要 setting 130蚊有找。正式開始影，其實十足拍片咁，一路錄、就一路轉個托盤，令鬆弛熊可以水平地 360度轉。之後個 app就會幫手組合成一張旋轉圖。完成後圖片一定要用番 Andorid或 iOS gadget連線睇， share上 fb都得；只要用手指左右拉動，就能睇清楚鬆弛熊正、側、背面，方便過影晒前後左右 4張相 post上網賣貨啦！

一步步教：開機 setting

Step 1仲可以 set埋錄影時間，影大件貨品時最長可 set至 65秒，不過一般影小物其實 10至 20秒已足夠。

Step 2開始影前，要揀你嘅旋轉方向，如果揀順時針錄影，但隻熊係逆時針轉，咁就整唔到旋轉照片。

share整到靚先

App內置執相工具，影完相仲可以 tune靚佢，主打 crop圖分唇，取景唔夠靚，都可以執番好。其次就係要調整光暗同對比，冇專業攝影師打燈，起碼推到光一光，唔會令件貨望落殘殘舊舊；跟手再推一推個飽和度（ Saturation），顏色更加 sharp，成功吸睛！

可以事後調整光度（ Brightness），唔太識打燈都冇有怕；唔知咩係對比度（ Contrast）同飽和度（ Saturation），但可以即時喺左面睇到效果，包保整得靚！

對方部手機更唔一定要裝 Arqball Spin，條 link直接可以喺 facebook app內使用。篤住張相向左拉，隻熊即時轉左。