你哋自己估！（真實對白）週日（ 9日），被記者追問「舔頸男」身份，梁奕倫回答：「好多人問我，但係再熟既朋友我都唔會講，呢個係道義問題！你哋自己估吓！」
真面目
擺人上枱 出書揞名爆 梁奕倫被崔建邦舔頸
年年有人出書爆娛圈秘聞，今年輪到梁奕倫同茜利妹合著《 70後援會，逆生長多花樣》。性男性女輪住嚟爆，梁奕倫最激，仲要單單都係男男！
繼被娛圈同性前輩口交破處後，上週二（ 4日），梁奕倫再爆勁嘢，話有人為上位，十多年前主動向他進擊舔頸。本刊獲得消息，「上進男」疑是做過志雲大師心腹、又因為打女友跌落谷底嘅崔建邦。對於被指過分進取，週一（ 10日），崔建邦在電話激動回應：「黐孖筋！」
黐孖筋！（真實對白）至於涉嫌人士崔建邦，週一（ 10日）下午一聽記者提問夾雜噴飯聲回應：「黐孖筋！唔回應！唔幫人哋宣傳新書。」
男男重口味
從來冇認過是同志身份，不過 41歲梁奕倫明顯同性磁場強過人，上月率先劇透新書重頭情節，話第一次（被同性口交經驗）畀咗娛圈偶像。
上週二（ 4日）新書發布會，再自爆 01年生日派對，有電台界新人不請自來，更借醉舔頸親近，要借醉推開對方：「當然覺得好恐怖啦，嗰晚成晚都瞓唔着，又刻意遠離佢。呢個人之後入咗電視圈，仲飛黃騰達添。我喺書中都有寫到，呢個人當年為做 DJ可以舔我，入咗電視台仲要飛黃騰達，唔知舔咗啲咩呢？」
繼自爆在電台前輩家中獻上男男口交第一次後，上週二（ 4日），梁奕倫再爆陳年恐怖被舔頸經驗。 
01年由電台跳入電視台、又成為無綫一線司儀，全靠陳志雲疼錫關照，崔建邦近年已與陳志雲劃清界線。《蘋果日報》圖片 
又打女又爛賭又醉駕負面新聞不停，浮浮沉沉崔建邦身邊好在有個邦女朗唐詩詠不離不棄。《壹週刊》圖片
崔建邦噴飯
電台界中人爆料，「舔頸男」疑是 01年從電台走到入電視台的崔建邦。「佢本來負責喺陳志雲港台節目度聽電話，入咗 TVB，又係靠陳總（陳志雲）。其實佢唔淨係對陳總殷勤，當年梁奕倫喺 DJ界好紅，崔建邦不請自來博同其他 DJ混熟，都係想做 DJ。不過 01年尾佢已經入咗電視台，就即刻咬住陳總一個，疏遠咗班電台人。」
週一（ 10日）記者致電崔建邦，一聽涉嫌舔梁奕倫頸，疑似正在食飯或飲水中的崔建邦即時噴飯回應：「黐孖筋！」（即係唔係你？）「唔回應！」（你識唔識梁奕倫， 01年有冇去過佢生日 party？）「人哋出書，唔幫人宣傳！」然後禮貌與記者說再見。至於「舔頸男」真實身份，梁奕倫週日（ 9日）亦不願證實：「我話佢入電視台咋，冇講到佢係司儀定藝員，開名好冇道義，你哋自己估吓！」
飲醉被破處未入行年代，遇着一個入行已經超過 10年圈中前輩，對方主動邀請梁到家中飲酒，再主動脫下梁奕倫長褲為他用口解決。 
舔頸博上位事發於 01年梁奕倫 29歲生日，與電台友人舉行私人派對，卻有非熟朋友不請自來，更借醉舔背又舔頸，後被梁一手推開，有傳事件主角即是未正式入行的崔建邦（小圖）。
有讚有彈
梁奕倫新書都唔係一味得重口味男男交往經歷， 05年開始經歷人生低潮、 07年被港台狀告串謀詐騙，有人疏遠有人親近，其實都有幾位圈中人被點名讚。
容祖兒夠義氣開審前獲律師建議請朋友同事撰寫求情信，深交港台高層怕惹事拒絕，身在內地工作的容祖兒就火速回應更及時完成，有義氣。《蘋果日報》圖片 
張敬軒最疏爽惹上官非期間，被港台解僱、母親病重經濟拮据，張敬軒主動致電支持安慰，更加借出款項幫梁奕倫打官司。《忽然 1周》圖片 
鄧萃雯代祈禱僅僅在電台接受過一次梁奕倫訪問，鄧萃雯在梁惹官非期間主動致電，表示支持又承諾會為梁祈譸，更提出會到庭聽審以示支持。
茜利妹：黎明歧視
留言列表
