Beauty Hunt
歡樂時光 倫紫玄
無綫人離巢，離不開嫌辛苦兼人工低，冇乜邊個笑住走，但剛於去年轉投王維基 HKTV旗下的
08年港姐倫紫玄，卻有另一番感受。
倫紫玄喺 TVB撈足 4年，拍過唔少 TVB劇冇乜人識，最終離巢，以為佢有一堆苦水呻，卻沒料到她仍然好懷緬在無綫的快樂時光：
「記住啲開心嘢，個人都快樂啲嘛！」
其實藝人都係打份工啫，唔使下下數舊老細嘅。
Profile
姓名：倫紫玄（ Nadia）
身高： 167cm
三圍： 32、 24、 34
微博：倫紫玄 Nadia（粉絲人數 2,197）
早前有人投訴拍王維基劇冇飯盒又冇替身，但拍過《客家女人》等劇的倫紫玄就澄清：「真係三餸一湯，大家圍埋食好開心㗎！」
倫紫玄入行前任職空姐， 08年陪朋友選港姐，仲入圍打進 12強，得到「網上最受歡迎佳麗獎」。正式加入 TVB，但唔想被綁死：「要簽 3年半喎，好低人工，嗰時我未諗清楚係咪入呢行，結果只係簽 one show，每個騷計錢。」
倫紫玄拍過《金枝慾孽貳》、《飛女正傳》、《 4 In Love》等，同監製戚其義稔熟，她說：「《金枝貳》本來冇份，有場戲講關禮傑入宮被人雞姦，出嚟要去青樓發洩，戚其義就搵我做呢個青樓女子，其實當時佢已知我要過 HKTV喇，所以佢對我係好好，仲因為我肯拍，後來加咗戲分，一直到尾。」
享受咀 Chilam
她又好難忘同張智霖的接吻戲：「就係《衝上雲霄 II》囉，本身我好鍾意 Chilam，場戲講我同 Chilam喺 bar飲完酒，我飲醉，佢送我返佢屋企，吼佢扶我上車時要㩒住佢一嘢錫落佢塊面，係呀！錫面咋，梗係 enjoy啦！點會唔 enjoy！其實喺 TVB幾開心嘅！」
可惜樹大反而難遮蔭，轉投 HKTV又極速拍過《導火新聞線》、《客家女人》等幾套重頭劇。「喺無綫如果你唔係親生女預咗蝕底，有個 PA喺年尾同我講，話有套劇本來搵我拍，但藝員部唔批，因為好多人唔夠騷要還騷，要畀佢哋優先，唔好彩囉！」多年來只做三、四線角色，去年決定轉投王維基的新電視台。「好似大家去做一件新嘢會投入好多，有歸屬感啲囉！」家陣 HKTV發牌似有望，倫紫玄肯定買中啦！
《金枝慾孽貳》演青樓女子同關禮傑一場床上戲，倫紫玄只係着住肚兜被吻頸，動作上唔算激，但她說緊張到面紅，唔敢睇 playback。 
08年選港姐，冠軍是張舒雅（右），倫紫玄只奪得「網上最受歡迎佳麗獎」。 
採訪、撰文：何志衡
攝影：吳偉業
形象： Bryan@the Flaming
化妝、髮型： Mak Tung
服裝： Pinky Girls
留言列表
