去年曾來港參演 Music Bank韓騷的 Infinite 7子，今年 8月正式以 Infinite名義來港踩入亞洲博覽館開騷，擅唱 hip hop嘅 7子，到時肯定 yo爆港女。
韓面
818攻港騷 Infinite騎劫 2PM
近年 K-pop界，一直被神級男團如 Super Junior及 BIGBANG雄霸天下，其他男子組合想上位都好難，但已出道 3年的 Infinite，今年趁 2PM於韓國本土人氣滑落，乘機攝位上。
由 7位成員組成的 Infinite，今年開行 turbo發力，年頭先由成員東雨加浩沅分拆組成小組 Infinite H吸客，去到 4月 7人合體炮製跳舞歌〈 Man In Love〉亦橫掃 7大流行榜 no.1，嚟緊 8月更搶攻埋香港市場，空降亞洲博覽館開騷。終由 2線變 1線囉！
冧㗎妹2年前已攻日的 Infinite，一直有出日文細碟，上週三（ 5日）終於推出處男日文大碟《墮入愛河時》應市，聽個碟名就知冧女。 
埋身錫殺入香港前， Infinite喺 3月已在韓國舉行歌迷見面會《 Infinite Rally 2013》，會中 7子唔係齋唱齋跳，仲同歌迷玩遊戲，最靚仔浩沅仲同女歌迷埋身錫錫。
月一首跳舞歌〈 Man In Love〉 hit爆韓國後，隊員聖圭及成烈又輪住拍劇博入屋。
嚟緊 8月， 7子更將勢力版圖擴展至香港，鐵定於 8月 18日在亞洲博覽館舉行處男港騷，門票將於 7月初公開發售。據知 7子現時除學定廣東話等到時跟港迷打招呼外，更打算學唱一首廣東歌製造 surprise。
密密開騷Infinite出道 3年，由韓國唱到日本，今年更去埋泰國、台灣及香港開騷， 3年之內，唱過超過 70場演唱會；出過 21張唱片，認真多產。 
Tablo培訓Infinite於 3年前組成，當時由出名玩 hip hop的 Epik High主將 Tablo（紅圈）親自培訓，難怪 7子唔只跳 hip hop勁有活力，而且個個都 rap得幾嘴。 
掃爆流行榜今年 4月推出的〈 Man In Love〉，一出街即橫掃 Mnet的「 M！ Countdown」等 7個流行榜 no.1， hit爆全韓國。
又打又鬧
Infinite 7子合作超過 3年，台上跳舞及唱歌都非常合拍，但私底下亦曾傳出不和，出口對罵甚至打架，最近聖圭於訪問中自爆：「有次要去練習時，我去叫醒一直賴床嘅優鉉，點知佢發老脾，於是就鬧起上嚟！原本嬲咗好耐，不過之後佢肯道歉，最後大家就當冇事發生。」
而最紅的東雨亦曾爆料：「 Infinite試過因小事打交，不過我唔會爆邊個郁手打人，但我覺得打交唔係壞事，經過嗰次打交令佢哋變得更成熟。」話晒個個血氣方剛，未打過交先冇人信啦！
拍劇入屋最近成員聖圭客串演出 KBS韓劇《一絲的純情》扮乖乖仔，希望藉住拍劇更加入屋。 
中途轉基？上年最紅隊員浩沅演出 tvN劇集《請回答 1997》，劇裏面浩沅扮同志，暗戀同劇男歌手徐仁國，當中更不乏好似騎膊馬等親密接觸動作，之後便傳出他與徐仁國有基情。
Infinite H Yo爆韓妹
Infinite H嘅《 Fly High》迷你大碟， 1月推出時曾打入 Gaon大碟榜第 2位，成績遠勝同期由 4 MINUTE分拆組成嘅 2 Yoon迷你大碟《 Harvest Moon》。
留言列表
