福山雅治飾演嘅湯川學,一直畀人感覺老正得來又勁 cool,所以電影公司今次特登加多個 10歲童星山崎光,飾演寄居於旅館嘅小學雞。佢同湯川學結交成朋友後,令一向古肅嘅湯川學感受到童真嘅快樂。
日面
谷爆伽俐略票房 福山雅治查到嚟香港
日劇近年被韓劇爬頭,好彩有 44歲日劇一哥福山雅治食老本,將食糊作《神探伽俐略》拍續集,由 4月中開播至今,最高收視曾攀升到 21.1%,令日劇起死回生。
電視劇《神探伽俐略》續集大熱,主角福出雅治當然食住上,將於 6月尾推出電影版《神探伽俐略 2:真夏方程式》,電影更於今月尾(緊接劇集播完),於香港及日本同步上畫。
今次伽俐略唔只查案,仲宣揚環保,最 surprise當然係伽俐略真身福山雅治,將於今個月尾親臨香港,當然唔係查案,而係冧港女谷戲啦!
《神探伽俐略 2:真夏方程式》上映日期: 6月 29日
4月播出嘅電視劇《神探伽利略》續集中,新紮日劇女王吉高由里子就取代柴咲幸做女一,去到電影版《真夏的方程式》,吉高照舊跟住福出雅治去查案,不過只係做陪襯。
查案講環保
《真夏方程式》講福山雅治飾演嘅大學教授湯川學,為參加海底礦物開發計劃,到訪擁有美麗海景的玻璃浦小鎮,其間小鎮外堤發現一具男屍,死者原來是跟他同日入住旅館的退休刑警,真相牽涉 16年前的一宗命案,從不插手查案的物理學家湯川學,今次竟主動出手揭開死亡真面目。
今次電影以海景聞名的玻璃浦做背景,其實電影監製鈴木吉弘是希望觀眾除欣賞福山雅治查案智慧外,亦可以留意現今的社會,於科學與環境保育是否可以並存的爭論中加以思考,從而加強環保信息,好有社會良心喎!
福山飾演的大學物理系教授湯川學,一日要到訪臨海小鎮玻璃浦參加海底礦物開發會議,其間同渡邊杏飾演的環保鬥士發生激烈爭辯, 2人不打不相識。為飾演環保鬥士更神似,杏喺開拍前自發去曬黑自己,可惜最後曬到變黑炭頭,擺明曬過龍喎!
逗留玻璃浦期間,當地嘅外堤發現男屍,死者正是跟湯川學同日入住旅館嘅退休刑警,遂引發湯川學去查案。
由於死者曾住過由杏老豆所經營嘅旅館,所以湯川學就向杏嘅一家人埋手調查,發現案件原來同 16年前死者調查過的一宗命案有關,令案件更加複雜。
留 3日谷戲
康城攞完獎
《誰》片中, 44歲嘅福出就同 31歲嘅尾野真千子飾演夫妻,拍埋一齊 2人似係差唔多年紀。
上月福山拍住女主角尾野真千子、童星二宮慶多及導演是枝裕和出席康城影展,最後《誰》片奪得「評審團大獎」,由導演代表上台領獎。
撰文:何家文
留言列表