FACEweekly

十年一爆　鄭融

女粉絲睇住 Shine長大 10年後復出；而男粉絲當然睇住鄭融（ Stephanie）啦，細細粒又騷健康性感，聽住佢同 Edison唱〈等甚麼〉到人人唱 K都點的〈成人對待〉、〈 Go!爭鞋〉等。
今年 28歲的鄭融依舊性感，今不經不覺出道 10周年，將出大碟又搞個唱，實行要同佢首派台作〈爆〉一樣， 2013後半年要「爆」！

超恨跳爆舞

入行後幾年大多唱抒情為主，但其實還好掛住當初入行跳舞唱〈紅花會〉年代，因為好鍾意聽電子音樂，今年狂練 Contemporary Dance，希望可以加入歌曲中。之前去了睇'11世界第 1法國 DJ David Guetta香港表演，好有 energy，最喜歡〈 Just One Last Time〉；另外就係最想睇美國 DJ Steve Aoki喇！

精選爆出兩次

今年入行 10年，會推出新曲加精選及舉行第一次個唱，精選 7月推出一隻、年尾又再出一隻，一隻實在擺唔晒咁多歌！也開始 pick up之前的 7級鋼琴，好想在個唱中有 solo彈鋼琴唱歌環節，公司亦努力為個唱度期及地方，希望好快公布到畀大家知啦！

唔要睇爆戲

自己性格爽直，好多時講了一些令人不快說話都不知，到後來大個就知說話要圓滑，開始留意自己語氣、用詞。
禮貌要改，欣賞事物心態也有變，以前喜歡看 3D科幻電影，現在卻愛欣賞戲的美指，最近就最愛《大亨小傳》，每個鏡頭都好靚，服裝由 Prada及 Brooks Brothers製作又夠認真。

做瑜伽爆 fit

因為出碟，所以要狂 keep fit，之前有跑開步，最近就沉迷做瑜伽，除了爆出好多汗外，每個動作都可以令每個關節及肌肉活動，過程中透過冥想，令自己壓力全消，好舒服。除此之外，亦有參與 Nike每星期舉行的 NTC（ Nike Training Course）跳舞課程，同瑜伽一樣，做完勁流汗勁舒服！


撰文：陳家豪　
攝影：黎韋邦　
化妝： Vinc　
髮型： Kate@Hair Culture　
場地： Hair Culture

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄