陳嘉桓暗寸千語浮誇老積
陳嘉桓（Rose）與「情敵」吳千語早前於公開活動視而不見，昨日伊人單拖現身活動，談到日日名牌袋掛上身的千語，Rose自言是平實派，指穿名牌要睇年紀，暗寸只有19歲的千語成身名牌不合適！
陳嘉桓（Rose）昨日以奧比斯「愛眼行動之星」身份出席活動，期間戴上眼罩與在場小學生吃午飯，體驗失明人士的不便，自言零近視的Rose，被問到是否精於睇人，Rose自言此乃人生經驗，由於年紀尚小，故要慢慢累積經驗。
千語ＢＢ極力維護男友，懶理閒言。
認見面少交談
對於早前於公開場合表示不認識「情敵」吳千語，但千語卻反指認識她，Rose指二人曾於公開場合見過面，但未有深入傾談，談到只有19歲的千語自拍拖以後，名牌手袋如時裝騷，對此Rose謂：「我覺得要平實啲，要睇自己年紀需唔需要牌子嘢，其實唔着牌子都可以襯得好靚，我今日都唔係牌子嘢啦！（覺唔覺得佢好虛榮？）每個人價值觀唔同，我自己生活夠就ok，食得飽，穿得暖嘛！（近日傳佢同林峯情海翻波？）其他嘢就唔知嘞！」
雖然不理別人感情事，但Rose就透露已單身好一陣子，亦沒有追求者出現，更謂：「我20歲啫！冇遇到就冇o架啦！（你想搵到個男仔同你講8次愛你？）呢20年嚟已經好多人講過愛我（男朋友呢？）唔記得啦！」
母親節各自過
另一方面，林峯女友吳千語昨日以黃色裙出席母親節活動，即場示範佈置蛋糕，她自言對食也有研究：「由法國菜到雞煲都鍾意食，但自己唔識煮，（為林峯學？）特別節日先。」問到可會與林峯母親慶祝？她說：「各自同屋企人食，（送禮畀男友媽媽？）互相為大家揀。」
記者提到林峯冇表示，吳媽可會生氣？千語BB即護男友：「唔會，佢拍緊劇唔喺香港，我哋連見面時間都冇，媽咪明白嘅。（見過男友家長未？）喺公開場合見過，大時大節都會講吓電話，（有冇叫你上男家食飯？）唔喺香港，就算返嚟都要拍嘢，冇時間。」
文：影視組
陳嘉恒暗寸千語多名牌
愛吃甜品的吳千語，會親自炮製甜品送給母親。
曾與林峯傳緋聞的陳嘉桓，對於19歲的「情敵」吳千語有不同款式的名牌手袋，昨日於公開活動忍不住暗寸對方，指用名牌要啱年紀，即使非名牌也能襯得靚。
愛吃甜品的吳千語，會親自炮製甜品送給母親。
陳嘉桓認為襯得靚唔靚，與名牌無關。
戴上眼罩的Rose，與在場學生吃午飯，體驗失明人士帶來的不便。
陳嘉桓（Rose）昨日出席護眼活動，並戴上眼罩與在場學生吃午飯，體驗失明人士帶來的不便，零近視的她自言觀人絕對是人生經驗，會慢慢累積經驗，問到曾否睇錯人？她笑說：「每個人都有唔同經歷，開工都有同前輩傾偈，從中都學到嘢，不過揀朋友方面就要小心，所以我圈中朋友唔多。」
談到早前於公開場合表示不認識「情敵」吳千語，但千語卻指雙方認識，Rose坦言二人確曾於公開場合見過，但未有深入談話，對於19歲的千語拍拖後便周身名牌手袋，Rose說：「覺得要平實啲，要睇自己年紀需唔需要牌子嘢，唔着牌子都可以襯得好靚。（覺得佢好虛榮？）每個人價值觀唔同，我生活夠就OK！（有傳佢同林峯情海翻波？）其他嘢就唔知嘞！」
拒行奶奶政策
另外，林峯女友吳千語昨日出席活動時自言對食有研究：「由法國菜到雞煲都鍾意食，但唔識煮。（為林峯學？）特別節日先。」她表示今個母親節會親自炮製甜品給母親，問到可會與林峯母親慶祝？她說：「各自同屋企人食。（送禮畀男友媽媽？）互相為大家揀。」
記者提到林峯冇表示，吳媽可會生氣？千語即護男友：「唔會，佢拍緊劇唔喺香港，媽咪明白嘅。（見過男友家長未？）喺公開場合見過，大時大節都會講吓電話。（有冇叫你上男家食飯？）唔喺香港，就算返嚟都要拍嘢，冇時間。（唔行奶奶政策？）唔使住。（幾時去拜會佢家人？）順其自然。」愛吃甜品的她，被問到林峯是否她的「最佳甜品」？她大晒恩愛：「食飯有人Share好開心。」
留言列表
