老細永遠是對的！（設計對白）戴夢夢唔識控制 budget！（真實對白）趙碩之不滿前經理人戴夢夢，而後者依家已經轉戰內地拍戲，力撐公司做法無錯，各執一詞。之前嘅攬頭攬頸，一場戲囉。 

媽咪姐

合約搞出火趙碩之鬧爆戴夢夢

現年 25歲嘅趙碩之（ Wylie）除咗身材惹火外，率直嘅性格亦辣着過唔少火頭。呢排佢就公開哭訴被所屬嘅大名娛樂單方面續約 5年，又要求佢賠番 40幾萬，媽咪姐當然第一時間打去關心吓佢啦。

 


林建名勞氣今年 2月，林建名同趙碩之仲攬晒腰出席活動。事隔 3個月，林生話依家嬲咗佢。 

趙碩之話：「真係好失望！我一向都當林老闆（林建名）係老竇咁，以為大名娛樂係一個大家庭， so far依家我都係好尊重老闆，但公司根本就冇一個好嘅經理人。之前大半年，零工作、零收入！本來有無綫監製點名想我上綜藝 show，但公司都幫我推咗。要我賠嗰 40萬，佢話係投資落我度嘅錢，包括其中兩隻唱片（什錦碟）嘅製作費，但幾個人嘅作品點解要我一個人負責呢？根本就唔 make sence！而且合約完全冇寫完約後要個 artist承擔番投資出嚟嘅錢！」對於前經理人戴夢夢，趙碩之欲言又止：「已經唔重要，其實我相信林生好清楚佢（戴夢夢）嘅辦事能力，難聽啲講，之前戴夢夢唔識控制 budget，幾十萬一眨眼冇咗，影響到我嘅作品！佢收公司人工做嘢，投資失利係佢嘅責任，點解要我去承擔呢？我真係覺得好無助。」查實呢，和氣生財，大家都係坐低再傾吓啦！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄