熊黛林喪買洩失戀悲憤 3週刊－tvbfun娛樂八掛大放送★

熊黛林喪買洩失戀悲憤

名模熊黛林(Lynn)自上月中宣佈同郭富城7年情玩完後，全心寄情工作。除不段飛去散心同做外，Lynn一反宅女常態，不時相約友人飯聚和 shopping解悶。上週四(2日)中午，Lynn唔使開工，相約女性友人瘋狂Shopping。由尖沙咀買到返中環，絕不手軟。當日素顏、戴上黑超 Lynn，先尖沙咀泊好車再會合女友人，就開始掃貨行動。

Lynn第一站先到I.T.，佢用一個鐘頭試鞋，最後狂買三對，對對都要成萬元，認真捨得。買到肚餓，Lynn同女友人行去越南餐廳醫肚。食飽飽後就車轉戰中環ifc繼續買。所謂「女為悅己者容」，無城城更要裝備自己，佢先殺去化妝品店買化妝品執靚個樣，之後轉去隔籬時裝店揀衫。雖然只係中價貨色，但以 Lynn模特兒身形，咩都唔係問題。

滿載而歸Lynn，臨走時發現記者同途人影相，完全唔介意重笑對鏡頭。唔好以為Lynn咁就滿足，之後佢重要去多間上樓店睇先收手，當時已經係七點幾晚飯時候。由朝買到晚Lynn見肚餓，拉住友人同助手去樓上食店晚餐。見有記者追訪，佢好細心咁同記者講：「我約朋友食飯，有排食。(有無男仔？)無呀！」之後就轉身入餐廳。以前Lynn一做完，就會即刻返屋企等城城電話。為唔俾人影到佢攻城，佢寧願屋企捱麵包都唔會約朋友，依家此情不再。

而城城因是非不斷，亦顯得心神恍惚，上週於珠海參加賽事時撞車，無奈退賽，但好在冇受傷。本週二(7日)，Lynn出席活動時，被問到知唔知城城撞車，Lynn雖然知道，但強調大家已經無聯絡，明顯有意同城城劃清界線啦！