海老油•麵$88 

Missing Out

深海蝦油撈麵 麵鮮醬油房周月 鰂魚涌

「周月是我想不到吃什麼時必吃。」下意識想到就吃，通常都是心頭好。沾麵受歡迎程度是每年在東京都會舉行「大沾麵博覽」大比併，由入場者以投票方式選出日本第一沾麵寶座。

在日本由東池袋大勝軒發揚光大，在香港，周月卻是這股沾麵新潮的代表之一。這次一款海老油麵，繼續用上自家製曲身麵條，麵條入加入適量薯粉，煙韌彈牙，醬汁則用上從黑豚肉內迫出的油加大豆油 mix埋鮮蝦製成，上面放入沙丁魚及鯖魚磨成的魚粉，似一個海洋入口，同傳統沾麵只放入醋及砂糖勁唔同，花款多好多！最難以抗拒的是紅卜卜的櫻花蝦，來自日本靜岡縣，由於保質期有限，每次只會入 1,000g，每月入貨，碓保深海鮮味最出，難怪未放入口已經嗅得到鮮香，撈埋雞蛋葱花，不同香味大爆發，濃郁到暈， 200g重麵條， no problem！

Michael呢款蝦油麵係我最掛住的拉麵，食之前撈好所有材料，櫻花蝦香及油味在牙縫湧出，好味！ 

蜜柑汁$22來自四國，本店特有，橙味濃郁。 

麵鮮醬油房周月
地址：鰂魚涌海光街 33號
電話： 2854 9985
營業時間：星期一至六： 12nn-4pm(逢星期日休息)

何謂 missing out?

《 FACE》飲食版監修人少年食神 Michael 

本地有不少舊菜式被封箱，絕跡的原因可能是製作繁複、老師傅年華老去等等。
不過只要你飲食經驗豐富，用心搜索，總有漏網之魚在附近。
每期少年食神 Michael發掘滄海遺珠，把舊時的食物連帶回憶重現眼前。

撰文：梁智欣
攝影：謝耀恒