橫店直擊處女劇 玩多過做埋位前， Baby要求助手從後攬住佢再將佢左右 fing，其間 Baby就笑得好開心，但助手就有點面有難色。乜平時海綿蛋糕都鍾意咁玩㗎咩？
真面目
最抵價 斷腳曉明情侶檔撻 Q Baby 7萬割價做女一
近年唔少藝人都北上搵人仔，皆因國內片商、電視台出手闊綽，閒閒哋接套 30集連續劇都輕易賺過百萬，超吸引。
凡事都有第一次。做慣靚靚 model嘅 Angelababy食慣歎慣，即使拍過多部電影，但電視劇就一直無人問津。據知去年國內名製作人于正（曾製作楊冪大熱《宮》劇）睇中 Baby靚樣，力邀她做其電視劇第一女主角，同時亦請埋「海綿蛋糕」黃曉明一齊演情侶檔！不過事後曉明因腳傷而辭演，但 Baby為打開國內市場，不惜降低身價都照拍，只係開拍前講明要受到公主般的待遇。啱嘅， Baby身嬌肉貴，少忽肉點同海綿蛋糕交代呀？
一向以靚樣做生招牌的 Angelababy，加入娛圈 6年拍過多部電影，直至今年，終於有人賞識，被邀拍內地劇。
堅未好番電視劇《雲中歌》本月 3日開鏡，黄曉明 2日都仲要撐住枴杖現身，真係未康復至辭演咋！《蘋果日報》圖片 
嘟嘴 BabyBaby一向對鏡頭只有笑臉，但原來鏡頭後， Baby都會黑面兼藐嘴，冇曉明大哥喺度，心情當然唔慌好！
狂食 NG
上週一（ 15日）， Angelababy在橫店影視城內，為湖南衞視新劇《雲中歌》趕戲。知情人說：「 Baby第一次拍劇，劇組都有啲擔心，因為導演一早講明，全部都要就晒 Baby，而且要以佢靚樣做大前提，即使有一條頭髮遮咗面，都要畀時間佢整番好再拍咁話！」
飾演女主角雲歌的 Baby，當日下午拍一場遇到心儀對象的戲，單單一個偷望鏡頭，已經 NG 5次，而每次拍畢都面燶燶，似乎並不享受拍攝過程。「 Baby講對白冇問題，因為佢本身講普通話，不過佢經驗少，始終表現得唔夠專業，好多時要導演埋去一教再教，開鏡到𠵱家差不多兩星期，但係進度嚴重落後。」知情人透露。
大家姐款導演埋去教戲， Baby就將雙手搭住左右兩位助手膊頭上，擺晒大家姐款咁。對住似曉明大哥咁靚仔的對手杜淳，就更加冇乜偈傾。 
除咗埋位唔專心掛住玩， hea爆嘅 Baby，仲有匿埋煲電話粥同埋位時突然口乾要求飲嘢嘅靚畫面。一分錢一分貨， 7萬蚊一集，係交咁上下功課㗎喇！ 
導演買 Baby怕
由於成套劇樣樣都要靚，湖南衞視都搵嚟金像獎有名服裝設計師吳寶玲幫 Baby度身訂做靚衫。《忽然 1周》圖片
當天晚上， Baby飯後返回片場繼續開工，現場所見， Baby玩多過做，雖然表情精靈，卻明顯心不在焉，一時眼仔碌碌四圍望，一時同助手傾偈，即使導演埋去同佢對稿， Baby仍然一臉調皮。
據知 Baby處女劇酬勞相當抵用，皆因她在國內劇集屬新面孔，投資方唔肯畀高價，結果 Baby實收 7萬元「人仔」一集。知情人續說：「即使只係客串過電視劇嘅女星都可以叫好啲嘅價，但 Baby係完全（喺電視劇）未出現過，所以價錢已經去到最盡，結果 Baby經理人公司咪要求 Baby享有特權囉！喺片場大晒，個個都要睇佢面色就晒佢。」
拍足 38集都只係得 266萬，相比過往閒閒哋拍部電影都近百萬落袋辛苦得多。不過據知導演為遷就 Baby檔期，願意只花 1個多月時間拍晒 Baby戲分即刻放 Baby走， Baby算有着數啦！
女一唔穩陣
平過廖碧兒
一姐價
中級價
三線價
導演鬧爆「峯少又去咗邊？」
雙手護眼為咗保持靚樣，未埋位時峯少都要用對手擋住太陽，怕曬傷定曬黑呢？ 
擺款聽戲導演任海濤埋去教戲，峯少就繑埋雙手，叫助手撐住把遮遮太陽，巨星般嘅風範，原來就係咁！ 
攤屍峯少唔係瞓覺就係同千語 BB玩電話傳情，記者全日直擊都未見過峯少攞起劇本望一眼，咁嘅態度邊值 50萬一集呀？ 
玩微信
Hea得嚟 chok
上星期忽然爆出一張疑似林峯同千語 BB註冊結婚相，但事後證實二人只是跟謝偉俊中國法律事務中心林律師合照，千語 BB未做成林太！
人氣爆晒燈的林峯據知收近 50萬一集拍電視劇，不過態度同收 7萬的 Angelababy有得揮，同樣沒有最 hea，只有更 hea。
拍攝現場有不少國內同胞圍觀湊熱鬧，林峯雖 hea但亦要保持 chok樣。本月 13日下午，飾演陸小鳳的林峯正為一個鏡頭交戲畀眼神，點知導演突然嗌 cut，再衝埋林峯身邊用廣東話講：「峯少，真係對唔住喇，呢度你係要講呢句對白㗎！」當住幾十人俾導演話，林峯當堂傻笑，再同導演講：「 Ok， Ok！」
拍完後，林峯馬上返回片場後面繼續攤屍，疑似同千語 BB玩電話，連助手拎埋飯盒擺到面前都眼尾唔望一眼，睇嚟有情真係飲水都會飽。
以前在香港拍劇都冇人敢對峯少無禮，點知上到內地始終要面對現實。
H7N9冇有怕
Chok峯採礦從來只有 chok樣嘅林峯，上到大陸果然連習慣都跟到足，當街撩鼻仲撩得咁認真，好唔衞生喎！ 
大啖食係太肚餓定飯餸好味？林峯喺片場大啖大啖塞入口，同劇組人員齊齊食。 
採訪、撰文、攝影：娛樂組（橫店）
留言列表
