笠咗女人底褲後，變身成為超人嘅鈴木亮平，全套戲大部分時間只係着住條連體內褲周圍跳。開拍前一年，鈴木已做定 gym操 fit身形，以最佳狀態示人，變態都要做到最專業。
日面
超人重口味
近年 TVB劇愈拍愈重口味，好似上星期《神探高倫布》就講到黎耀祥伸手入馬賽裙底捉小強，意識超低俗，不過點搞都唔及剛於日本上畫的電影《變態超人》咁重口味。
戲名叫《變態超人》，劇情梗係超低俗。講鈴木亮平飾演嘅高中生色丞狂介，每次出手鋤強扶弱，都要笠上女人底褲上頭，先發揮到超人力量，最離譜變身後竟着住連體內褲露出八月十五周圍跳，重口味到「 O」晒嘴。
戲中，唔少女演員見到變態超人一身重口味造型後都嚇到唔敢望。而該片已於 4月 13日日本上畫，據知《變》片因意識大膽，冇㗎妹敢捧場，入場人士百分百男人。
《變態超人》一片其實改篇自日本低俗漫畫家安藤慶周的作品《究極！變態假面》，此漫畫早於 92年，曾於日本青少年漫畫雜誌《週刊少年 Jump》刊載， 08年亦出過 5冊獨立漫畫版，直到上年終拍成真人版。
400萬成本
《變態超人》（日本原名為《究極！！變態假面》） 90年代初期曾刊載於《週刊少年 Jump》，因受歡迎，之後還推出獨立漫畫本。 
香港唔敢買片《變態超人》中，鈴木亮平飾演男主角色丞狂介，變身前係一個普通高中生，唔只唔打得，仲經常俾同學恰。已年屆 30歲嘅亮平，要着住校服扮學生哥，佢就抵死話：「用底褲笠頭都唔怕，點會抗拒扮超齡學生哥？」弊在啲頸紋出晒嚟呢！ 
香港暫時未有片商敢買片，但唔少睇過原裝預告片的高登仔都話漫畫版本身尺度好大膽，仲希望電影版可以喺香港上。 
已賣埠到台灣嘅《變態超人》除令男主角鈴木亮平上位外，連帶戲中女拍檔清水富美加亦開始被人關注，嚟緊 5月富美加將推出處女寫真集，趁好形勢出擊。 
已年屆 30歲嘅鈴木，早於 06年曾參加水着男孩選舉而加入藝能界，一早已着住泳褲行騷，唔怪得一直唔怕露。
食雞肉減 20磅
玩妄攝鈴木亮平拍《變態超人》近乎全裸出鏡，其實早於 3年前，佢亦曾拍過男性妄攝寫真，一樣係「撈 body」，早過香港𡃁模多多聲。 
小栗旬驚破壞形象
3年前，小栗旬（右）首次執導嘅電影《 Surely Someday》已搵老友鈴木亮平（左）演出，今次開拍《變態超人》再搵鈴木參演，仲做埋男一，明益老友。
留言列表
