每次行動，組織成員永不露面，好似早前佢哋就以同學前途為題，用紙盒製成機械人，超有創意！
U Spy
神秘中大仔快閃惡搞
除咗騎呢標語，佢哋亦將校方棄置嘅電腦紙盒，整成機械人，放喺百萬大道，又試過喺中大養德池放膠鴨仔，悼念逝世講師，每次行動都快閃一 take過，成員永遠唔露面，只會事後將相放上 fb，組織勁神秘。
Spy搵到一位唔肯開名嘅成員透露少少，「組織背景及我哋有幾多成員真係唔講得，其實自發喺校園搞咁多嘢，係想帶出校園有好多改善空間；亦希望同學可以輕鬆啲，唔使太自責！」難得咁有創意， Spy畀 like！
諧音粗口中大校巴班次不足，令不少同學上唔到車，成員就抵死到將你能行入 D，寫成你行能入 D，取粗口諧音！ 
雖然中大仔講明唔接受任何傳媒訪問，但由《黑紙》班底炮製的新週刊《 100毛》仍嘗試邀請對方，結果俾中大仔寸「除非可以免費登全版 A1廣告」先肯做訪問。 
撰文： U Spy
攝影：何榮亮
全站熱搜
留言列表
