吳千語拍拖呆等 林峯例遲
【今日我至催】千語BB真係好細心，男友林峯遲到要佢呆等，佢都願意提點林峯，不過林峯又衰，竟然要千語BB三催四請先現身。
自從升格做林峯嫂的吳千語BB，曝光率及工作量有增無減，前晚她出席時裝展更壓軸登場，她否認戀情帶挈令工作量增多。對於林峯經常被批評遲到，千語BB沒有維護男友，更踢爆兩人約會時他都例遲，更試過遲足半個鐘，要千語BB呆等，認真斗膽。
■吳千語因與林峯公開戀情，連帶工作量及曝光率都增多。
現年33歲的林峯與19歲的吳千語BB愛得癡纏，更在19天內三度外遊，戀情升溫，就連千語BB都升呢，前晚她聯同林欣彤、張舒雅及莊思明等到尖沙嘴欣賞春夏時裝展，千語BB壓軸登場。
■大忙人林峯每次出席活動都例遲，估不到他連約女友都夠膽遲到。
資料圖片
拍拖後人氣急升的千語BB，強調酬勞沒有加碼，亦否認憑男友的名氣多了工作，但承認戀情令她有更多話題，她說：「多咗新聞係事實，唔怕俾人話，未拍拖前都有工作，公司都畀好多機會我。」林峯好腳頭？她笑說：「我哋向來都好好彩，兩個一齊好多開心事發生，工作同以前差唔多，我啱啱拍完港台節目，之後傾緊電視同電影。」
對於升呢做壓軸，千語BB聽錯以為記者指她遲到，於是急急澄清早在半小時前已到場，並強調很少遲到。不過男友林峯就經常遲到，千語BB亦不幫口說：「佢好多時都會遲過我，我15分鐘就可出門口，佢就要催，不過佢好接受人哋意見，有時佢有活動，我都會提佢唔好遲到，有人提佢好啲。」至於兩人約會時林峯最遲多久？千語BB表示不會超過半小時，但重申只要催一催林峯就不會等太耐。提到林峯是否還有其他缺點？她說：「冇乜，係『𣲷懦』啲。」記者取笑兩人身份互調，好像林峯更像女朋友，她即維護否認。
林欣彤稍為增磅
同場的林欣彤早前患情緒病兼暴瘦，現時她已增磅不少，體重已回升到9字頭，她表示照舊是正常飲食，但未想再增磅到100磅，免得被指肥。至於男友是否滿意時，她反問說：「邊個男友？我冇男友。」記者指羅孝勇，她沒正面回答說：「大家都話我冇乜嘢，最緊要健康，上鏡好睇就OK。」對於四大與TVB破冰，林欣彤直言期待與不同歌手見面，亦不怕獎項被分薄：「做歌手係做歌同音樂為主，係唔係有獎都係後話，最緊要做好音樂。」
採訪：王崇穎
攝影：黃文偉
■久未蒲頭的張舒雅前晚都有現身欣賞時裝展。
■林欣彤肥番少少，不介意微微性感打扮。
吳千語嫌林峯滋油
吳千語前晚出席品牌MAX&Co.時裝活動，被問到自「峯語戀」曝光後工作和酬勞是否因而增加？她說：「冇計算，（靠林峯上位？）多咗新聞係事實，唔怕畀人講，之前自己一直都有工作。」記者指吳千語「升呢」做壓軸，她說：「公司安排，我半個鐘前已到。我做嘢好爽，冇遲。（林峯成日遲到？）平時出街我都要催吓佢，佢肯接受意見，要有人喺佢身邊提點。」問到除了遲到，男友可有其他缺點？吳千語一臉幸福說：「冇，（完美？）做嘢『滋油』啲囉。」而林峯前日以陸小鳳造型出席內地劇《陸小鳳與花滿樓》開鏡儀式。
同場的林欣彤表示體重已升至90磅，問可有獲男友羅孝勇讚有「手感」？她指着一群男攝影師笑說：「冇男友，呢度夠有好多男友（男性朋友）！」提到無綫與四大唱片公司破冰，她坦言非常期待：「好事，有好多想合作嘅歌手。」
吳千語與林欣彤獲安排坐首排睇騷。
吳千語坦承靠林峯上位
吳千語前晚出席MAX & Co.時裝活動，提到自從「峯語戀」公開後，工作與酬勞有否增加？她說：「冇計過。（靠林峯上位？）多咗新聞係事實，唔怕畀人講。」問到林峯出街是否經常遲到，她說：「我都要催吓佢，佢係接受意見嘅人，要有人喺佢身邊提點。」問到除了遲到，可有其他缺點？她甜笑說：「冇，（完美？）「立糯」囉。」此外，林峯前日在內地出席新劇《陸小鳳與花滿樓》的開鏡儀式，有網友指林峯的陸小鳳造型太普通。
吳千語承認公開戀情後的確多了新聞。
留言列表
