句句金
句句金
張兆輝為趕拍新劇《神槍狙擊 2013》，連續開工逾三十個鐘，簡直辛苦過拍戲，難怪佢呻爆劇組唔理演員，
但求完成咁，咁樣又點會有好嘢？
直踩三十幾個鐘，收賣人命咩！ TVB始終都係唔明白「慢工出細貨」嘅道理。
另一邊《情逆三世緣》就啱啱相反，關詠荷因拍檔歐陽震華（ Bobby）入院而停工，變相令佢有得休息，
喺 TVB拍劇以嚟未試過返三日休一日。
唔係因為 Bobby，你哋下場咪同張兆輝一樣！
JJ最近被爆想結婚，日前佢出席活動澄清唔心急嫁人，
如果冇進步先會結婚，但我想努力做嘢先。
結婚係人生大事，唔係工作停滯不前嘅「避難所」！你搞清楚先再講啦。
湯唯宣傳新作《北京遇上西雅圖》時，被問到搵到對象未？佢回答：
對的人會等我，緣份是找不到的。
咁唔知對的戲會唔會等你呢？無論拍拖定工作，好多時都係要自己爭取嘅！
計劃出書做才女嘅「細細粒」陳嘉佳，拍《老表，你好嘢！》時經常要密密食，更自爆曾食發霉餸菜道具：
我唔係驚肥，最緊要啲餸唔好凍同發霉就 OK。
凍都算，仲要發霉！ TVB道具部都好大整蠱吓噃。
全站熱搜
留言列表
