我得寵：當張文慈遇上破壞狗王

■Pinky家中養的兩頭寵物犬波波和妹妹，都是頑皮一族。攝影：黃文偉

張文慈（Pinky）養了10多年的松鼠狗「BB」老死後，她因為太傷心而決定不再養寵物，但有次在寵物店見到一隻跟BB一模一樣的小狗，又忍不住買了下來，結果發覺世界原來是不會有代替品的，兩狗性格完全是兩回事，BB性格善解人意，而新成員「波波」卻是頭破壞力驚人的小霸王。撰文：魯萍

■Pinky說波波只是家裏做霸王，跑到街上就很膽小，但她仍很愛牠。

現在Pinky家中有兩頭寵物犬，松鼠狗仔「波波」和玩具貴婦狗女「妹妹」，她為波波起了個花名叫「技安」，因牠經常欺負妹妹，除了爭食外更會爭寵，Pinky說：「當初好有憧憬，幻想起身時兩隻狗撲埋嚟同我玩，但真實情況係，每朝起身兩隻嘢一見到我就開始打交，追住條尾打圈，雖然妹妹細粒，但都唔輸蝕得晒，有時咬甩波波啲毛，搞到成口白毛，不過波波通常係勝利者，工人話佢哋見唔到我就唔會打，好明顯爭寵啦！」

唔食就咬爛

妹妹初入門時，非常文靜高雅，但很快就被波波改變一切，Pinky說：「初時妹妹食嘢，先聞吓啲糧，再慢慢一啖一啖食，點知波波走去搶食，冇耐妹妹驚畀波波食晒啲糧，變得又狼又急，冇晒以前嘅溫柔公主格。另一個恐怖，就係波波擁有超強破壞力，凡係放喺地嘅物件都會放落口，唔食得就咬爛，所有物件都唔可以喺地面出現，否則一定變廢物。佢連自己着住嘅衫同妹妹身上嘅一樣咬爛晒。」

■波波和妹妹平常不打架，但每次見到Pinky便會互咬爭寵。

■妹妹試過由梳化跌落地面，斷了右腳，要做手術安裝螺絲。

■波波擁有超強破壞力，凡放在地上的物件都會咬，不能吃的就會咬破。

暈車浪勁嘔

不過波波也有弱點，竟然會暈車浪，Pinky說：「第一次帶佢出街去沖涼，10幾分鐘車程，就開始嘔，有次帶佢去赤柱沙灘玩，因為路途遠，結果喺架車入面嘔幾次，去到已經散咗，以後非必要都唔敢畀佢坐車喇！其實波波都係隻門口狗，屋企做霸王，喺街就好細膽，淨係識得吠同食，不過我仍然咁愛佢，有時乖得滯又冇晒性格，天秤座嘅人性格就係咁犯賤。」至於妹妹也有慘痛經歷，半歲時，試過由梳化跌落地面，雖然不是太高，但已跌斷了右腳，要做手術安裝螺絲，單是手術費已經過萬元，自那次後，Pinky嚴禁妹妹跳上梳化玩。
髮型：Ethan Ng of Hair

■Pinky買下波波，是因牠跟從前的愛犬BB長得一模一樣，誰知牠竟是破壞王。

借錢醫BB

Pinky第一次養狗，就是白色的松鼠狗BB，BB陪她走了15年多的路後老死，Pinky說：「BB臨走前因內臟衰竭喺動物醫院吊鹽水，出出入入醫院幾次，每次過萬落樓，有一日醫生打電話嚟話可以接佢出院，我當時同自己呻話覺得好攰，點知兩個鐘頭後接到醫生電話，話BB走咗，我趕到診所見佢最後一面時，佢打開隻眼望住我，我走埋去摸住BB同佢講唔好唔捨得媽咪，第日大家都會再見，之後佢就冇晒氣息，我覺得佢係留埋最後一口氣等我嚟。」有次BB生膽石，她因經濟拮据要四處籌措醫葯費，又有一次火警，危急間Pinky只記得抱狗逃生，證明對她來說，愛犬才是最重要。