大叔都跑贏你哋啲𡃁仔！（設計對白）
出外埠
宋承憲「完美腹星」
韓國新總統上任三把火，提議對藝能界實施限制級，唔再俾男藝人喺台上剝衫喎。睇到咁嘅提議，有冇去咗北韓嘅感覺呢？不過咁，你有你提議，一日未實施，啲人都懶鬼理你！呢，話你唔聽， SPOT.PH雜誌啱啱又搞咗全民普選嘅「韓國最完美腹部男藝人」選舉，經過一人一票之後，票選結果有啲出人意表，竟然係 37歲嘅型佬宋承憲贏得冠軍，係咪估佢唔到呢？
宋承憲能夠打低一眾年輕偶像奪魁，身材當然係好。你諗吓， 37「高齡」竟然一啲贅肉都冇，確係難得！不過， findout宋承憲攞冠軍嘅原因，佢喺韓國演藝界嘅累積人氣，絕對幫到手！淨係感情分都贏晒啦。
NO.2 宰范 野獸身材
有「野獸組合」稱號嘅 2PM，成員身材個個 fit到漏油。前隊長宰范更係依支棒，單係嗰 8嚿朱古力，已經夠煞食！喺今次選舉中，佢跟前隊友玉澤演嘅票數叮噹馬頭㗎！
NO.3 玉澤演 似格鬥士
玉澤演同宰范一樣都係海歸派（美籍韓裔）。擁有 185cm身高嘅佢，因為身材太好關係，唔好講演唱會剝衫，就算搵佢拍廣告，都非剝衫不可。佢嘅 body被形容為正過《戰狼 300》嘅謝拉畢拿。你哋點睇？
NO.4 裴正南 雕塑美男
模特兒出身嘅裴正南，因身材正斗，所以一直係內衣品牌代言人，可惜喺演藝圈撈極唔起，只屬三流奀茄，今次未能躋身三甲，明顯係輸咗人氣。
全站熱搜
留言列表
