被擒抱玄彬話自己每逢開工都有先沖涼的習慣，唔知成功抱抱的 fans，有無聞到偶像身上有香味？
外太空
玄彬任摸任攬
玄彬的死穴，不是有十五億次網上 MV點擊率的 PSY，也不是無厘頭掀起風潮的《 Gwiyomi》，而是韓國兵役法。二○一○年憑《秘密花園》紅遍亞洲的玄彬，上位一年多，就宣布要在三十歲前入伍，一去兩年。
上年十二月玄彬退伍，坦言最擔心人氣流失，抖唔夠三個月即刻搞粉絲見面會，首站台灣、泰國，第三站來到香港，搏晒命留住 fans。盛傳廣告身價高達二千八百萬元的玄彬，粉絲見面會最平四百八十元票價，就可以任攬任摸偶像！如果當兵足以令偶像平民化，咁第日 Rain、 Super Junior的希澈、利特和藝聲退伍後， fans有無咁好福利？
人肉抱抱機
跳《 Gwiyomi》之前台灣有 fans點唱《 Gwiyomi》。不過玄彬話唔識推咗。今次香港 fans即席教路，玄彬照跟，幾 cute！
很少韓星投考海軍陸戰隊，因為訓練艱苦，體能要求又高。但玄彬因為軍中表現良好而晉升為上等兵，真係打得喎。 
粉絲做善事 
香港 fans（ Bin's Family HK）好有善心，除了印定四千把扇仔免費派發外，仲用玄彬名義送四百二十公斤白米俾眾膳坊食物銀行。
愛在家半裸
唱冧歌講冧歌，必唱《秘密花園》插曲《那個男人》和《 Marry You》。但問到幾時出大碟，玄彬用英文急急澄清：「 I am not a singer.」 
Laser Show玄彬話，為 Laser Show苦練個半月，跳到滿頭大汗，可惜觀眾反應麻麻，仲話：「唔明做緊乜呀？不如唱歌啦。」 
玄彬 Profile
全站熱搜
留言列表
