同你吟一吟
鄭中基老婆余思敏 Shopping醫痛腳
鄭中基以大熱姿態攞到《金像獎》最佳男配角，點知鄭太余思敏樂極生悲，第二日响屋企抱囡囡落樓梯差錯腳，搞到扭傷左腳，好在囡囡冇事，只係嚇到喊！
上個禮拜三（四月十七日）余思敏負傷出席美容活動，提到受傷事件，佢話自己可能就快考車牌心情緊張，加上未食飯有少少暈所以整親，好在老公鄭中基即場呵番。
無論係出席活動抑或行街，鄭文都扶實隻腳包咗紗布嘅鄭太余思敏，看似傷勢好嚴重。 
入到鋪，余思敏已經可以自己行，純粹嚟陪老友嘅鄭文，就企埋一邊打短訊。 
終於有心水，余思敏試完裙出嚟照鏡，睇佢聚精會神個樣，就知佢已經唔記得自己有腳傷。
試完裙再睇手袋，鄭太已經可以交叉腳。 
買到心頭好，終於見到《壹》仔影相，余思敏變番龜速，慢慢一個人行落樓下上車返歸。 
撰文：八珍
全站熱搜
留言列表
