同你吟一吟
當唐唐遇上霍老爺
僭建九龍塘大屋，特首夢碎嘅唐英年，上個月割愛拍賣紅酒，點知又俾人懷疑佢嘅珍藏係流嘢，搞到要出聲明澄清，冇晒飛士！
上星期三（十七日）下午四點幾，唐唐喺中環太子大廈 Cova買咖啡，見到《壹》仔瞄住佢，笑晒再揮手。跟住撞到傳聞新抱仔郭晶晶有咗，今年升做爺爺嘅霍震霆又嚟買外賣，兩個有錢佬吹咗幾句，唐唐走先，出到門口，企定俾記者㩒多幾張相至閃， nice爆！
衰運未行完，但唐唐面對負面新聞永遠保持笑容，唔知當佢 EQ高定得得地。不過，笑面迎人總好過做黑面神，因為如此，唐唐無論再差，印象分都贏 CY，輸唔晒！
同《壹》仔打招呼，唐唐笑容嘴形再加手勢，乜都出齊！ 
比起飲凍咖啡嘅唐唐， 67歲霍老爺選擇熱飲，更加懂得養生。 
撰文：八珍
全站熱搜
留言列表
