熊黛林反擊苟姑娘
「唔知邊個先應該喊」
#video_player{width:100%;height:100%;}
■富黛戀告一段落，消瘦了的熊黛林昨日一身黑色打扮現身，加上尾指戴上「分」戒，似乎想哀悼逝去的戀情。攝影：陳俊強
【富黛愛忽完之錯愛的呼喚】郭富城和熊黛林（Lynn）相戀七年，最近傳出城城移情細自己19年的苟芸慧（苟姑娘），自知輸硬的Lynn決定棄城。Lynn昨日在中環出席內衣店開幕時尾指戴上「分」戒，正式宣佈回歸單身！激瘦的Lynn臉容憔悴兼眼腫腫，對苟姑娘聲稱無辜而落淚，Lynn含淚反擊道：「我唔知邊個先應該喊！」
現年47歲的郭富城與33歲熊黛林不敵七年之癢，有傳二人原定今年10月結婚，但被疑似小三的苟芸慧介入導致分手。Lynn日前在微博放了尾指戴戒指的照片，還留言要重新上路。三位主角輪流現身，城城和苟姑娘前日先後出席活動，苟姑娘哭笑難分回應自己並非第三者；城城則冷對分手，反而對苟姑娘落淚即憐惜說：「好慘喎！」護苟棄熊態度明顯。
慘成輸家的Lynn昨日在中環出席內衣品牌Rigby& Peller新店開幕，大會送上吊帶內衣給她，惜無惜花人欣賞。穿上透視長裙的Lynn雖然高貴迷人，但難掩愁爆心情，一身黑色打扮就像哀悼逝去的戀情，而本身已瘦削的Lynn可能因飽受情傷，身形比前更瘦，雙眼更似喊過一樣變得很腫，我見猶憐！
對於與城城分手，Lynn沒刻意迴避，還在左手手指尾戴着代表分離的戒指，她表示現在心情OK，但每當提起城城與苟姑娘的新戀情，Lynn多次激動到眼濕濕，以下是Lynn與記者的對話：
（熊：熊黛林 記：記者）
記：你個樣好憔悴。
熊：可能今日太早啫。
記：係咪以淚洗面？你雙眼好腫。
熊：邊個講㗎？我噚晚冇喊過。
記：咁前晚呢？
熊：（苦笑）OK㗎。
記：係咪同城城分手？
熊：有啲嘢過咗去，𠵱家係新開始。
記：係咪4月5日分手？
熊：我唔知報道喺邊度嚟。
【紅眼】
■每當提起「城苟戀」，Lynn即眼有淚光，一副強顏歡笑的模樣。
【扁嘴】
【強笑】
承認單身
記：現在單身？
熊：係呀！過咗去（感情）唔想再講，𠵱家係新開始，我好開心（假笑）。
記：係咪好可惜？
熊：其實我嚟香港七年，日日都好開心，冇乜可唔可惜，希望以後更加開心。
記：你提出分手？
熊：我唔答嘞。
記：你逼婚？
熊：我冇逼過任何人做嘢。
記：係咪有提出過結婚？
熊：我覺得呢啲嘢唔係女仔提出嘅。
記：男方有提出過？
熊：我唔答嘞！
記：分手涉第三者？
熊：我唔想傷害任何人，過咗去就由佢過去，唔計較乜嘢原因。
記：苟芸慧喊晒話自己無辜。
熊：我唔識佢，唔想答佢嘅嘢（停頓一會，眼泛淚光）……我唔知邊個先應該喊！
記：覺得城城好多緋聞？
熊：可能工作控制唔到啫。
拒畀祝福
記：信佢哋（城城和苟姑娘）有嘢嗎？
熊：我冇咁講。
記：對城城死心？
熊：唔係死唔死心，過咗去唔好再糾纏，畀機會自己新開始。
記：同城城仲係咪朋友？
熊：朋友，呢啲嘢唔會變。
記：城城有冇做乜嘢挽救呢段感情？
熊：（睩大對眼，眼紅紅）我唔回應嘞。
記：城城覺得苟姑娘好慘，但對你好絕情？
熊：我冇睇呢啲嘢，今朝好早起身化妝，我唔知點回應。
記：如果佢哋係真，會唔會送上祝福？
熊：我唔會隨便亂講。第一，我唔識嗰個人。第二，唔想多事。
記：七年情係咪可以放低？
熊：（強忍淚水）要向前行，唔啱始終都需要放低。
記：有冇覺得自己浪費青春？
熊：（再度眼濕濕）我唔答嘞。
■被指是第三者的苟姑娘，前晚在《仁心II》中跳鋼管舞，但無助收視。電視圖片
胃病發作
記：為情消瘦？
熊：我一向有少少胃病。
記：同媽咪講咗分手未？
熊：冇乜特別同媽咪講，我想佢知我嘅嘢都係開心事，我每次出嚟都好開心。
記：仲有冇同城城聯絡？
熊：以後嘅嘢唔知。
記：有冇復合可能？
熊：我唔知，唔該晒。
訪問結束後，Lynn由經理人及助手陪同離開，並上了七人車直駛大坑方向。其間Lynn吩咐助手到超市、餐廳和洗衣店買食物及取衣服，之後便返嘉亨灣寓所。另外，「城苟戀」令苟姑娘形象受損，有網民發起罷看她演出的劇集，前晚《仁心解碼II》雖有苟姑娘穿黑絲跳鋼管舞的場面，但收視只得27點（約173萬觀眾），比起周一及周二的29點及28點還要低。
採訪、攝影：盧坤穎、黃曉程、彭琮然
相士話：李丞責批城城苟芸慧相剋
現年47歲肖蛇的郭富城，跟熊黛林相戀七年，最近卻爆出「分」訊，熊黛林無望升呢城嫂。有指城城今年犯太歲令感情有衝擊，到底城城何時脫離浪子一族成家立室？堪輿家李丞責昨在電話說：「佢今年犯太歲，加上同女友碰上七年之癢，肖蛇嘅城城其實同肖猴嘅熊黛林係相合，只要捱過今年。以城城命格，佢未來四年，馬、羊、猴同雞都有望結婚。」他表示城城跟肖豬的苟芸慧相剋，二人撞埋一齊就會惹麻煩。
採訪：比華利
城城佛偈寸舊愛
#video_player{width:100%;height:100%;}
■城城前晚出席完慶功宴回家，落車時展露笑容。
郭富城與熊黛林分手傳出多個版本，有指是苟芸慧介入，又有說是Lynn兩年來不斷向城城催婚，對不相信婚姻的城城添上好大壓力，二人為此常有爭執。
城城前晚在電影《同謀》慶功宴上表示感情事隨緣，昨日又在微博轉載一段佛偈，並留言：「祝福，一切眾生。」該佛偈大意指一切苦樂皆因一念，放下才能自在：「有些人，有些事，是可遇不可求的，強求只有痛苦。」莫非寸阿Lynn向他逼婚？另外，城城前晚出席完慶功後，由司機接載返回跑馬地寓所，落車時展露笑容。
採訪、攝影：楊浩賢、徐錦池
秋生唔知熊黛林乜水
#video_player{width:100%;height:100%;}
■而秋生不知熊黛林是誰？不就是你老婆嗎？你是葉問吧。
黃秋生、鍾嘉欣及李克勤等前晚到中環出席香港舞台劇獎頒獎禮。提到七年「富黛戀」玩完，曾和郭富城合作的秋生對此寸嘴說：「合作過同佢分手關乜事，我同城城幾熟，佢仲爭我好多餐飯，仲有佢揸車成日嘈醒我。」七年情告終會否可惜？秋生繼續寸嘴說：「關我乜事，我唔理，我連佢女朋友係乜名乜水都唔知。」提到斟劉嘉玲演舞台劇，秋生透露：「傾過睇過劇本，冇興趣劇本都唔睇，放心唔使除衫，係喜劇。」
■鍾嘉欣力撐好姊妹苟芸慧不會做小三。
鍾嘉欣和被指是小三的苟芸慧同被指是無綫處女組成員，她說：「冇可能，我哋有WhatsApp group，佢話有是非纏擾，但冇講乜事。」嘉欣指苟姑娘清純，也不覺她有拍拖。苟姑娘被指小三時眼濕濕，嘉欣謂：「喊即無辜，佢唔係嗰啲話喊就可以唧到眼淚嘅人。」即指她演技未到家？嘉欣即說：「唔係咁意思，係話佢個人真誠。」
採訪：李珮洳
攝影：陳順禎
城城求放下 Lynn哭認單身
郭富城與熊黛林（Lynn）七年情玩完，「分」後昨日首度出席活動的Lynn強顏歡笑認單身，問到「情敵」苟芸慧回應小三問題時落淚，她忍不住說：「唔知邊個應該喊！」而郭富城則帶笑見人，並在微博以佛偈直指有些事強求只有痛苦。
與郭富城分手後，名模Lynn昨日穿黑色透視裝出席活動，尾指戴上象徵分手的戒指，她一臉憔悴，雙眼紅腫，強顏歡笑。問到現時心情？她表示OK，但否認喊到眼腫：「尋晚冇喊過。」問她是否真的分手，她只謂有些事已過去，現在要有新開始，問是否指與城城的感情，她強調過去了不再說。再問現時是否單身？她即答：「係！」又表示來港七年每日都很開心，沒有可惜不可惜，並否認向城城逼婚不遂的報道，但不回應誰提出分手、城城可有挽救這段感情的提問。
互稱「朋友」
對於是否有第三者，Lynn說不要再計較是甚麼原因，但提到苟芸慧哭着否認是小三，她重申不認識對方，但忍不住說：「唔知邊個應該喊？」又表示與城城仍是朋友。問她是否對城城死心？她停頓兩秒才說：「過去就過去，唔好再糾纏。（城城唔想提你，太絕情？）冇睇報道。（如果城城同苟芸慧真係一齊，會祝福？）唔會隨便講，唔識講。」再問她是否放得低這段情，她眼濕濕說：「覺得唔啱嘅，始終要放低。（復合機會？）唔知。」活動後助手為她買粥，期間她在車上以手掩面，相信又一時感觸，之後便沿以往「攻城」之路回家。其兄熊林昨午在微博隔空打氣：「失去的東西，其實從來未曾真正地屬於你，也不必惋惜，幸福就在不遠處。」
「肉照」贈興
另一邊廂，城城昨午三時許在經理人小美陪同下往工作，他笑容滿面表示不回應感情事，但謂與Lynn仍是好朋友。至六時許，城城在微博轉發一段佛偈：「佛說，苦非苦，樂非樂，只是一時的執念而已……有些事，是可遇不可求的，強求只有痛苦。」未知是否暗示與Lynn的這段情不能強求，是時候放下？此外，有網友重提舊事「贈興」，Post上Lynn成名前的疑似露點相及疑似整容對照圖。
名人組
眼腫殘爆
戴「分」戒人前強顏歡笑的Lynn，返回車上即眼濕濕。
郭富城似未受分手事件影響，昨日笑晒面對傳媒。
Lynn寸爆：唔知邊個應該喊!
昨日熊黛林（Lynn）一句「我係單身」，宣布她與郭富城的7年「富黛戀」正式玩完。
2006年因與城城合作拍MV而撻着的Lynn，大前晚在微博上載尾指戒指並留言「重新上路」暗示分手，昨日她便戴着「重新上路」戒指，裝扮成黑寡婦般出席內衣店開幕活動，以往拍拖時春風得意的樣子，不再復見，換來昨天面容憔悴，眼腫腫似喊過，強忍眼淚的她，對於因為與城城拍MV而傳撻着的苟芸慧早前喊着否認是「小三」，Lynn即寸爆苟姑娘：「唔知邊個應該喊。」
熊：熊黛林 記：記者
熊黛林戴着「重新上路」戒指。
放大圖片
記：心情點？
熊黛林乘車回家途上，被發現疑似偷抹眼淚。
放大圖片
熊：OK。
無奈
眼腫
記：你好憔悴？
熊：可能今日太早起身。
記：你係咪以淚洗面？
熊：邊個講o架？
記：你今日眼腫？
熊：冇，我眼睛OK，昨晚冇喊過。
記：之前日子有冇喊？
熊：OK呀。
記：係咪真係同城城分咗手？
熊：有啲嘢過咗去，依家要新開始。
記：係咪之前報道所講4月5日同城城攤牌？
熊：唔知報道點嚟。
記：有啲嘢過咗去係咪即係同城城嘅感情過去咗？
熊：過咗去就唔講啦，要有個新開始，我依家好開心。
記：依家係咪單身？
熊：係。
記：係咪覺得好可惜？
熊：我嚟咗香港7年，日日都好開心，冇話可唔可惜，我想以後更加開心。
唔認有向人逼婚
記：有指因為你向城城逼婚導致分手？
熊：我冇逼過任何人做任何事。
記：分手係咪你提出？
熊：呢啲唔答。
記：你有冇提出結婚？
熊：呢啲唔係女方提出嘅。
記：男方有冇提過結婚？
熊：我唔答。
記：分手係咪有第三者出現？
熊：我唔想傷害任何人，過咗去就係過咗去，唔好再計較乜嘢原因。
記：苟芸慧喊住唔認小三？
熊：我已經話過唔識得佢，唔想答有關佢嘅嘢，唔知邊個應該喊。
記：好介意城城嘅緋聞？
熊：有時工作控制唔到。
記：信唔信苟芸慧同城城有嘢？
熊：我冇講過。
記：對城城死心？
熊（停頓兩秒）：過咗去就過咗去，唔好再糾纏，畀自己有個新開始。
記：同城城仲係咪朋友？
熊：仲係朋友，呢樣嘢係唔會變。
記：城城有冇做啲乜嘢挽救感情？
熊：冇回應。
記：昨日城城唔想提你，係咪好絕情？
熊：今日冇睇報道，今朝好早起身去咗化妝。
唔啱嘅需要放低
記：如果城城和苟芸慧真係一齊，會唔會祝福佢哋？
熊：唔會隨便亂講呢啲，都唔識佢，唔想多事。
記：同城城七年感情放唔放得低？
熊（眼圈一紅）：要向前行，係覺得唔啱嘅都需要放低。
記：覺唔覺得7年浪費青春？
熊（眼眶淚珠滾動）：唔答。
記：唔回應啦！
記：你係咪為情消瘦？
熊：一路都有少少胃病。
記：會唔會同媽咪講你哋分手？
熊：冇特登同媽媽講，我想佢知道我嘅開心事，每次出嚟都開心嘅。
記：同城城仲會唔會繼續聯絡？
熊：以後嘅嘢唔知道。
記：有冇機會復合？
熊（諗一諗）：我唔知呀！
在中環出活動後，大約下午兩時半，Lynn與助手坐車往大坑方向行駛，先到經理人公司，再由助手到粥店代買粥及到洗衣舖取衣服，然後才打道回府，返回嘉亨灣香閨，過往她為方便攻城居住大坑，但現在仍避不過重走大坑之路。
此外，網友更將兩人七年情玩完作話題，昨更有網友「翻舊帳」上載一些多年前疑似熊黛林露點行騷舊照，還有指是變臉前照片。
而Lynn的哥哥熊林昨亦於微博為她打氣，寫上︰「失去的東西，其實從來不曾真正地屬於你，也不必惋惜，幸福就在不遠處！」力撐妹妹分手的決定。
文：名人組
城城講佛偈暗叫Lynn放下
Lynn昨日下午二時出席活動後，同日下午六時許，郭富城在微博從佛教微博裏，轉發了一則佛偈，內容提及「執於一念，將受困於一念；一念放下，會自在於心間……無論何時何地，都要擁有一顆安閑自在的心，保持豁達的心態，不讓自己活得累」。郭富城更留言寫道：「祝福！一切眾生！」似乎提醒自己和Lynn要放下七年情，不要再活在痛苦的心間。
此外，連日表現風騷的城城，昨日下午三時許，戴上黑超，身穿粉紅T恤，於經理人小美陪同下，乘七人車前往火炭工作，甫下車的城城心情靚絕，見記者在場即滿面笑容，提到分手一事時，他說：「話咗唔講感情嘢啦，唔答呢啲喇。」問到他與Lynn是否仍是朋友，他一臉輕鬆，更笑笑口表示：「梗係啦，我哋仲係好朋友嚟o架。」城城往乘升降機時，提到他心情不錯，看來沒受到情變影響，他更笑騎騎說：「係呀，開工吖嘛。」
苟熊隔空開戰
早前被傳攻「城」的苟芸慧慘變「小三」介入「富黛戀 」，熊黛林為對抗情敵，不惜對苟姑娘窮追猛打，而苟姑娘亦不遑多讓頻頻挑機，兩女不時隔空互插，引起陣陣火藥味！
18/3 爭贏坐嘉賓席
上月18日熊黛林捧城城場時，要自掏腰包兼沒有優待只坐觀眾席，相反翌日苟姑娘高調現身城城演唱會，則獲安排坐嘉賓席。
放大圖片
21/3 寸爛桃花咪惹
苟姑娘於上月21日出席活動期間自爆捧城城期間，曾到後台支持，又指與城城的緋聞是爛桃花。畀苟姑娘踩到上心口的熊黛林，即反擊發表「大婆」宣言：「爛桃花，唔好惹就冇事！」
23/3 公開道歉
苟姑娘發表「爛桃花」言論後，得悉自己失言，在上月23日在活動上公開向熊黛林道歉，並自嘲中文欠佳才用錯字，又決定不再回應事件。
24/3 打苟棒助陣
氣難下的熊黛林於上月24日，帶同「打苟棒」（螢光棒）再度攻城，今次熊黛林總算威番次，坐第三行近距離捧男友場，更獲城城主動世紀握手，成功宣示主權。
網友抵死：肥苟磨城針
熊黛林高調宣布回復單身，另邊廂被傳介入「富黛戀」的苟芸慧吸引大批傳媒在其寓所樓下守候，不過苟姑娘整日「潛水」避風頭，未有與熊黛林正面交鋒。日前哭訴絕非小三的苟姑娘曾被網民鬧爆，不過在前晚播出的《仁心解碼II》劇集中，苟姑娘穿上黑絲襪大跳鋼管舞，雖然未有像之前曾在戲中跳鋼管舞的陳法拉、胡定欣般劈腿磨柱，但鏡頭不時定鏡聚焦苟姑娘的白滑雙峰，配合誘惑眼神，睇到一眾宅男網民轉軚讚好！有網民更抵死留言懷疑苟姑娘是否跟「舞王」郭富城偷師，又笑稱她以「肥苟磨城針」俘虜城城，難怪城城棄「熊」投「苟」。
楊崢：最緊要過程
「富黛戀」終敵不過7年之癢的魔咒，有傳因為「小三」苟芸慧介入，最後導致分手收場，原本分手是兩個人的事，現在變成三個人的事，各人的圈中好友亦出力撐。
楊崢：「緣分要走留不住，我覺得感情係兩個人嘅事，同埋緣分要嚟真係擋唔住，要走都留唔住，最緊要係過程大家都百分百付出，留番美好嘅回憶！」
黃秋生：唔知佢女友
黃秋生：「喺TVB嗰陣成日請城城食嘢，佢仲爭我好多餐。（知城城甩拖？）佢散咗關我咩事！你哋都知我唔會理呢啲嘢，我連佢女朋友係邊個都唔知！」
城派
苟派
鍾嘉欣：清者自清
鍾嘉欣：「苟芸慧係個清純、有邏輯、好識諗嘅人，絕對唔會做小三！（佢喊！）冇可能！唔係真，唔使喊，清者自清。（確信唔係小三？）世事無絕對，但始終相信佢，我唔信以佢依家嘅演技會咁快谷出眼淚！」
留言列表
