湘菱（蔡少芬）對一直被宛琇（伍詠薇）欺壓嘅如妃（鄧萃雯）無限同情，慢慢兩個同是深宮寂寞嘅人，竟然不自覺將感情寄託喺對方身上，因而產生一段曖昧不清嘅「情緣」。
有劇追
《金枝慾孽 2》重口味 鄧萃雯蔡少芬玩虐戀
被譽為無綫神劇嘅《金枝慾孽》，於舊年深夜時分重播時，估唔到依然受到追捧。無綫有見及此，當然唔放過機會，決定原班底再開《金 2》。可惜黎姿嫁人、佘詩曼要搵人仔、張可頤又過檔王維基嘅香港電視，連林保怡都拜拜，雖然新加入蔡少芬、伍詠薇，牌面上睇，咁嘅人腳，無疑比《金 1》弱咗。為保神劇美譽，惟有喺內容上落重手腳囉﹗
《金 2》除鄧萃雯同蔡少芬嘅曖昧不清嘅關係外，兩個仲大玩三角戀、四角戀等。咁重口味，奉勸觀眾一句，睇《金 2》，一定要有一個強心臟。
限於電視尺度關係，兩人只以同牀相對作交代。 
第一輯《金枝慾孽》，爾涥（佘詩曼）、玉瑩（黎姿）、安茜（張可頤）俱不在，惟剩如妃獨撐大局。
《金 2》可以講係一個全新劇集，連角色都嚟個大變身。好似上集奸到出汁嘅如妃（鄧萃雯），今集只係被打入冷宮嘅妃子；而陳豪亦由上集嘅侍衞變為一個唱戲嘅武生。
今集新加入嘅蔡少芬，喺劇中飾演湘菱姑姑，雖然有機心，但亦算係一個悲劇人物。嫁俾巴察（何啟南飾）做繼室，貪財嘅巴察為攝取宮中謠言圖利，遂安排湘菱入宮做奶娘，卻遭宮女排斥而跟宮女有惡鬥。另方面，對被淳太妃（伍詠薇飾）逼害嘅如妃無限同情，令冷宮寂寞嘅如妃將感情寄託喺佢身上，兩人因而發生一段曖味關係。
至於《金 2》內容，講「情」為主。故事以一則如妃以惡毒手法懲罰宮女嘅謠言開始。事實上，此乃如妃親妹淳太妃為宣洩對親家姐如妃不滿，喺后宮散播謠言，破壞如妃聲譽。充滿機心嘅姑姑湘菱借勢成為如妃親信以查證真偽圖利。戲班老倌高流斐（陳豪飾）及花旦雲秋玹（關禮傑飾）入宮演出後，遂牽動一眾後宮芳心，包括宛琇。如妃原本唔想宛琇陷入其中，所以設法阻止，誰不知卻係搬石頭打自己腳，反令自己陷於千絲萬縷多角關係中。
宛琇本來只係想利用佟吉海（黃德斌），誰不知最後竟然愛上佟吉海。 
本來自制力唔錯嘅如妃，竟然受唔住大武生高流斐（陳豪）引誘，不自覺深深戀上了。 
高流斐嘅出現，令家中遭逢巨變而走投無路嘅湘菱重獲生機，亦因此跌落如妃、高流斐三角漩渦。
孽戀七國咁亂
另邊廂，宛琇利用沉迷占卜術嘅佟吉海（黃德斌飾）共同謀害如妃，後因湘菱跟佟吉海關係而萌殺機。而本來溫婉柔弱嘅如妃，因宛琇嘅逼害而令其性格變得冷酷狠辣。
《金枝慾孽 2》話晒係戚其義及編劇周旭明喺無綫最後一部劇，又係無綫下季度龍頭劇，一定有睇頭嘅。
雲秋玹（關禮傑）一直對師傅寵愛高流斐而心生不忿。故入宮後，即籠絡宮中權貴陷害高流斐。 
奸到出汁嘅宮女若葵（梁嘉琪飾）因四處散播謠言，最終自食惡果，斬首示眾。 
因守寡一直困喺寡婦宮多年嘅宛琇，見到風流倜儻嘅高流斐，難禁情慾。
宛琇對如妃恨之入骨，任如妃如何努力修補也枉然。 
一直服侍如妃嘅宮女書蘭（葉翠翠飾），對橫裏殺出嘅湘菱心存嫉妒，不斷向如妃進行挑撥離間，圖破壞如妃和湘菱感情。 
人物關係表
留言列表
