Beauty Hunt

接栢芝棒　劉馥怡

要做宅男女神其實唔難，只要有樣貌識放少少電已經好易封神。上週二（ 24日）先施開幕，同場有周秀娜、徐子珊，但風頭都俾新人劉馥怡（ Eva）蓋過，連娜姐都話忍唔住偷望。
百貨公司代言人是第一步，劉馥怡想在香港更上一層樓，她說：「張栢芝先係我嘅目標！」

煲劇學廣東話

26歲劉馥怡（ Eva）兩年前嚟香港，簽約 Starz People做 model，自細喺上海長大，父親喺上海嘅工商銀行出任經理，她自稱未算富二代 Eva喺前年來港由一句講東話唔識，到𠵱家用廣東話做訪問靠嘅係煲無綫劇。她說：「為咗學廣東話，我每日都睇無綫劇由《愛•回家》睇到《拳王》，學佢哋講嘢，同埋知香港人生活係點。」



上年 10月劉馥怡（箭嘴）同另外 3位 Starz People model，擔任《草蜢森巴大戰軟硬 fans》演唱會的舉牌女郎，每場着三點式舉牌，搶眼到拍得住草蜢軟硬騷肌。 

劉馥怡今年擔任先施 image girl，除咗有 6位數字酬勞， TVC廣告密播，令人開始留意佢。

先施 CM女

咁搏命學廣東話，除咗知香港競爭大，最想是做出成績畀父親睇，她說：「爸爸想我做關於銀行或者法律嘅工作，但我覺得做 model都可以賺到錢，而且我又鍾意 fashion所以想試吓。」上週二（ 24日）先施百貨新店開幕，身為代言人的 Eva輕易盡搶周秀娜、徐子珊等風頭，不過做代言人只要她攻港第一步，接張栢芝棒才是終極目標：「𠵱家想多啲人識及多啲機會，做公司代言人總算係好開始，不過我唔想只係賣性感，其實我最欣賞張栢芝做戲，覺得佢喊得好有感情，亦好欣賞佢好努力咁照顧兩個仔，佢係我嘅工作目標。」



上週二（ 24日），劉馥怡同周秀娜、徐子珊同場， D cup身材再加 4吋事業線，成功突圍。 

Profile

姓名：劉馥怡 Eva
年齡： 26歲
身高： 174 cm
微博：劉馥怡 Eva
（粉絲人數 902人）


採訪、撰文：林通賢
攝影：范仲良
髮型： Cedric@ii hair& nail
化妝： Ming@Spark Make up Stylist
服裝：先施

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄