社交圈

不一樣的爸爸

正常家庭都是阿爸、阿媽加仔女，但遇着好似賭王有四個老婆，大劉又有兩頭家，父親節都唔知點分好。

呂麗君　霸正日

捲入澳門歐文龍貪污案的華人置業主席劉鑾雄，週一再次缺席聆訊，由呂麗君去旁聽。女友肯為他過大海，大劉當然亦識做，將聆訊前一日的父親節正日，俾咗呂麗君同佢一對仔女，一齊去福臨門慶祝，大劉仲罕有肉緊地拖實大女劉秀盈落車，囝囝就由展示住勝利微笑的呂麗君湊住出入。

甘比　讓賽

至於大劉另一女友甘比，只分到於父親節前一日慶祝。平日唧都唔笑的大劉，今次望住踢拖囡囡劉秀樺及赤腳囝囝時，竟嘴角向上微微笑，但問他任何問題，大劉當然繼續充耳不聞。

何猷啟　掛住老豆

天氣又熱又濕，父親節賭王留在三太家沒有外出，三太話：「外面咁熱！我自己下廚，佢鍾意食魚。」最開心是近年在美國讀書，甚少露面的廿二歲細仔猷啟能一起過節。他坦言長大了才更懂得愛爸爸，「細個會疑惑點解阿爸有時喺屋企，有時又唔見人？但自從他跌倒，我在美國讀書多咗牽掛，時不時都擔心、掛住佢，每次回家都特別開心。」

羅苡之　送驚喜

本週日，陳志健任客席導師的幼兒健身中心搞活動，羅苡之帶埋他的明星爹哋羅樂林去撐老公，雖然他們之前已經提早慶祝父親節，但羅苡之兩公婆偷偷帶了白酒送驚喜俾羅樂林，還即場畫了他的卡通樣，羅樂林除下眼鏡笑說：「你畫我個大眼袋！」飲住白酒的他甜在心頭說：「好開心，唔需要什麼禮物，最緊要個個都身體健康。」




撰文、攝影：名人組

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄