趙式芝代表兩個弟弟送上相架，讓父親放全家福，又話想父親有穩定的女友，「照顧得佢好啲，最好四、五個，佢哋平衡到自己心態咪得。」
名人親子情
Cool……爸爸
趙世曾 天天父親節
小時候三姊弟與父親影相時總欠缺笑容，式浩說：「爸爸唔會鬧，但會講啲說話等你下次唔好。」
趙世曾和三個仔女式芝、式浩和式正，每個禮拜都有家庭日聚會，父親節就更加重視，問趙式芝有無打探過父親想如何慶祝？誰知她竟說：「佢從來無要求過。」趙世曾則說：「佢哋返公司做嘢，基本上日日見面，天天都是父親節。」
童年時過父親節，式芝負責畫卡，式浩鬼馬說：「我負責簽名。」問三姊弟會否下廚氹爸爸？式浩說十多歲時已做過炸雲吞，「但佢唔知係我做。」式芝接口說：「以前始終有父親威嚴，細個父親又忙於工作，所以無心連心溝通，依家大個，佢鍾意同仔女做 friend，唔會好說教式。」
靠自己
趙生喜歡把人生經驗傳給子女，「我盡量多灌輸經驗俾佢哋，我一無精神你想聽都無得聽。」式芝聞言緊張地說：「我有信心佢可活到一百歲。」還笑說父親數口仍很精，「 Daddy好講信用及對價錢好敏感，判頭都唔夠佢計。」式浩加多句話：「 Daddy好有創意，做生意一分一毫都要均真，要有自己原則，之後請食飯一件事。」
趙世曾對子女甚少責罵，可能與上一代教導有關，「以前父母（趙從衍和倪亞震）講一無得二，當時感受上特別啲，現在回想對我有好處，聽佢教訓聽得多，一個人唔會容易發脾氣，養成一個包容的心情。」即使父親無留遺產給他，趙世曾也沒怪他，「爸爸後來無乜知覺時，佢話對我唔住，當時我哋未睇遺囑我哋唔知，後來想改變也改變不到（嬲唔嬲？）無，我覺得好，使我有獨立創業精神，佢覺得我有能力，或者佢覺得其他仔女，需要佢照顧多啲。」
他們又送了條雞泡魚擺設給父親，「提 daddy唔好俾我哋激到好似雞泡魚咁怒氣。」 
餸菜嚟齊後，趙世曾為子女們叫白飯，照顧周到；剛二十歲的式正（左）說：「父親很忙， even相處時間少，我亦很珍惜，我會學好廣東話，讓我有 closer bond with my family。」
甄子丹 網絡傳情
一年只有兩、三個月在香港的甄子丹，主要靠視像維繫親情，「 Webcam、 Whatsapp乜都用。」他慶幸過去的父親節都可以一家人過，唯有今年他跟太太汪詩詩要出席上海國際電影展，傍晚時已開始焦急，要搭夜機趕交人，「大陸機成日 delay，好彩趕到九點半返到屋企，阿仔未瞓，但阿女就大喊。」在電話旁的甄太忍不住大聲說：「因為掛住我。」
經常要在外地拍戲，甄子丹坦言有好多「男人嘢」都做唔到，「屋企少咗個男人，好彩有外父喺屋企，燒 fuse、換燈膽都有佢幫手，外母就負責照顧佢哋飲食。」父親節翌日，甄子丹一早又離家拍戲，兒子見不到父親，喊到拆天，「太太拍咗條片俾我，真係睇到心都痛。」
甄子丹笑着投訴，難得他在家時，子女卻顧住睇電視唔理佢。 
一家人於細仔百日宴時合照。 
汪詩詩讚九歲的大女 Jasmine藝術天分高，「佢好叻，無人幫手，兩、三個鐘畫起一張油畫。」
以為五歲的 James當爸爸是 Superman，「佢當我係 Ip Man（葉問）咋！」
何永超 親手接孫
李嘉欣、吳君如、陳慧琳都搵佢「求子」的何永超醫生，忙到父親節都要工作，碰巧當天是他生日，但也沒時間停下來。每日早出晚歸，有時凌晨一點還在看症，看在大女何曦眼裡，既自豪又心痛，「我叫 daddy唔好咁辛苦，他好認真地話﹕咁多人的希望都放在我膊頭，唔係話退休就走咁容易。」
人在江湖身不由己，話口未完，原本約好一家人七點食晚飯慶祝，何醫生又因為看症，遲到個半小時。「他熱愛呢份工，每次可以帶來新生命、新希望；兩個月前， daddy更幫細妹接生。」
當公關的何曦，抱住如粉團的姨甥女，坦言自己準備造人，亦計劃由爸爸接生，唔尷尬咩？已有經驗的細妹力讚爸爸好手勢，「我親眼見過，被 daddy開過三次刀的大肚婆，係見不到傷口，呢種專業同質素是有錢都買不到。」在旁的家姐，冷不防爆了爸爸搞笑一面，「 Daddy見到個孫女後，即時由醫生變番公公，話要同孫女影合照。」
其他父女之間的話題，都是閒話家常，何曦的爺爺、爸爸都是醫生，自小的談話內容已圍繞醫學，日日上教育電視，「當他知我有穩定男友，好自然叫我要保護自己，又成日叫我提身邊女朋友要做身體檢查，打子宮頸癌針。」
何曦（左二）在藍帶烹飪藝術學院學過一年甜品課程，她特別焗了個父親最愛的香蕉蛋糕，何醫生老實不客氣說出生日願望，想大女佗 B，「希望下年更高興啦。」 
五歲的何曦（前左）比三歲的細妹調皮，「 Daddy最怕我整到細妹嘔，有次鬧到我飛起。」 
何醫生以手拍熄蠟燭，「好似好香，是 butter cake（牛油蛋糕）？」然後偷吃一口。
窩心女兒
終於等到壽星公何醫生跟太太出現，他拍了幾張大合照後說：「好嘞，影完相就得，唔使做訪問啦。」在旁的大女細細聲解畫，「你知男人講父愛好含蓄，自小就係媽咪主內， daddy先可全身投入事業，不過我主動黐 daddy，阿妹就黐媽咪。」被女兒拉住的何醫生，在鏡頭前帶點拘謹，「呢個女係幾窩心，思想都好似我，有時連買嘢都會一樣。」
不多言的何醫生，講父女情，問一句答一句，但提到是否想女承父業當醫生？他又變得滔滔不絕，「女人生兒育女已經好大責任，做醫生不只醫人咁簡單，又有機會面對官非，第二個女自己肯承擔起呢個壓力，至於呢個女，都係做自己想做的事，她 enjoy就得。」
她十多歲便自製糕點送親友，而父親亦經常想偷食她的蛋糕，「佢成日話切餅底『試食』無人會發現。」 
一磅香蕉蛋糕要焗一小時，想蛋糕更色香味俱全，可鋪糖霜才入盒。 
邱子傑 一門兩傑
周國豐 愛心呔
李樂詩 游水過節
留言列表
