同你吟一吟
余文樂帶挈 Kary做 I.T人
被爆蜜遊倫敦後， Kary吳雨霏同余文樂進一步公開拖友關係，男友上海拍劇， Kary行未來奶奶政策，陪樂媽北上探班，打好「婆媳」關係，宣示樂嫂主權。
上星期四（三月二十一日），沈嘉偉嘅 I.T同 Valentino合作搞活動， I.T之友余文樂人在上海拍劇，樂嫂 Kary於是搵咗媒人公周柏豪傍住，一齊撐沈老闆場。
雖然 Kary唔認同自從公開「樂雨戀」後， job多咗價錢又高咗嘅說法，但問到佢有冇陪男友一齊出席沈老闆城城 Chilam鐵腳開飯活動，佢就話「有見過」！
答得避重就輕，起碼唔擘大眼講大話，都 OK吖！
上星期三（二十日），余文樂（箭嘴）做完新戲《飛虎出征》招待會，即日就飛返上海，無暇出席第二日（二十一日）嘅 I.T活動，女友 Kary唯有交老死周柏豪暫時看管。
公司大 function，老闆娘邱淑貞上行架生，幫老公做生招牌，沈嘉偉亦步亦趨，又扶住老婆後腰行，十分體貼。
撰文：八珍
全站熱搜
留言列表
