同你吟一吟
發嫂街市插針
圈中唔少星太都傾盡全力，將老公照顧得妥妥當當，尤其老公個胃，好似新婚三個月嘅麵嫂蒙嘉慧，都自爆經常廣尋食譜，學整好嘢俾伊健歎。不過識煮又肯做，仲日日親自踩去街市買餸嘅，應該數得出。
周潤發老婆陳薈蓮應該係五強！日子有功，九龍城街市就好似發嫂另一個 office，菜檔魚檔各式各樣鋪頭，全部係佢啲 friend。
所以，《壹》仔喺九龍城 A鋪影發嫂， B鋪嗰邊有人𥄫到+，即刻嘢都唔做走去打小報告，絕不怠慢。成個街市都係發嫂啲針，如果選區議員，實高票當選啦！巴閉！
發嫂喺生果鋪吹水，隔籬上海雜貨鋪呢個光頭大叔（箭嘴），見到《壹》仔喺對面馬路「隊」住發嫂，馬上走過去通風報信。
全站熱搜
留言列表
