有錢唔亂花！潘迪生太太余桂珠幫襯中價鞋店，揀嘅鞋款，亦實用為主。
同你吟一吟
潘迪生老婆吼中價鞋
生活係學問，包括使錢！八珍大花筒，只能夠做到量入為出，唔碌爆卡！但天生富貴，亦嫁到個有錢人嘅迪生集團老闆娘余桂珠，即使從不缺錢，但落手買嘢，絕非唔係名牌唔吼。
上星期五（三月十五日）下午四點幾，潘太中環行街街，喺仲做緊 special offer嘅 Staccato睇鞋。雖然主打歐洲貨，但價錢只係中價，鞋款亦較老實，出街有保鏢傍住嘅余桂珠，坐低試啱心水，照買！上流闊太吼中價鞋， 09年嫁咗俾牙醫唔再做幕前，專心大肚嘅 2R黃婉君 Rosanne，老公即使係專業人士，但一養四，更加唔敢亂咁使。
上星期四（十四日），六月就生嘅 Rosanne，抱住就快兩歲嘅大仔 Dylan，同工人行銅鑼灣宜家，磨咗接近兩個鐘，由兒童傢俬玩具買到枱燈，全部一百幾十貨色，滿載而歸。
財經人預告 14、 15年香港經濟更艱難，八珍自勉，戒亂 fing！
囝囝 Dylan喺兒童區玩，大肚 Rosanne企到攰，坐低休息玩電話陪仔。
全站熱搜
留言列表
