同你吟一吟
Jessica C.警鐘 大鳴大放
推動本地創作嘅「香港影視娛樂博覽及香港國際影視展」今年已經第九屆，紅星特別多，舊年懸空咗嘅香港影視娛樂大使，終於有黎明頂替三年又三年嘅梁朝偉補上，仲有劉華 Sammi一對黃金組合谷新戲《盲探》，星期一（十八日）晚嘅「亞洲電影大獎」，紅地氈更加係星光波光輝映。
最凸出，一定係 Jessica C.一對警鐘胸，中門大開， deep V低到見肚臍。露肉睇場合嘅陳法拉，當晚黑白長裙，前露乳溝後晒玉背，真係好耐都冇見過法拉咁肉搏。
人妻有睇頭，當中更包括忽然變咗岩石胸嘅 Jocelyn，以及著高叉紅黑晚裝晒長腿嘅梁詠琪。
個個盛裝赴會，但品味呢家嘢，除咗條件仲好講天分，有音樂才華冇著衫天分嘅林二汶，是夜黑色公主袖上衫襯銀底紅裙，以超標噸位空降紅地氈；件衫，真係冇問題，但個人都 OK嘅話，欣宜唔使減肥。
響警號
落到肚臍嘅 deep V， Jessica C.行紅地氈再次展示警鐘威力，側面睇幾大幾圓一清二楚，殺晒！
難得一露
法拉難得見咁多肉，露咗唔嘥，要不停自動波轉圈俾記者影相。
合作人妻
兩位人妻代表， Jocelyn谷到呢，梁詠琪則拉開高叉晒長腿，好識做。
天后好腰
劉華 Sammi同場谷新戲，近排愛女性化打扮嘅 Sammi，貼身衫晒小蠻腰，劉華見到要攬，老闆林建岳都唔偷懶
又要肥又要著得好睇，八珍覺得肥姐先做得到，林二汶都係著番西裝西褲吧啦！
天王快閃
黎明頂替梁朝偉做香港影視娛樂大使，失婚發福， Leon逼爆西褲，做完開幕禮，即撇！
全站熱搜
留言列表
