同你吟一吟
周潤發 黃曉明 鬥耍
舊年開始幫 Hugo Boss做代言嘅周潤發，上星期四（五月三十日）喺上海出席品牌時裝騷，大會刻意搵咗發哥舊拍檔鍾楚紅，再加埋黃曉明、陳妍希做嘉賓，原裝貨 mix山寨版。
對於導演彭浩翔想搵發哥搭紅姑拍《春嬌與志明一家》，發哥一腳交咗個波俾紅姑：「紅姑點可以做余文樂阿媽呀？叫余文樂做佢老豆就差不多！」
至於早排再做手術，攞番傷腳入面啲鏍絲出嚟嘅黃曉明，當日仲要篤住枴杖行，有傳媒同海綿蛋糕推銷陳妍希又係叫 Baby，黃曉明諗都唔諗：「自己的女人喜歡一個就夠！」隔空向女友 Angelababy派定心丸。
兩哎吔師徒，鬥快閂後門，同一招，順水推舟。
傷腳要用枴杖嘅黃曉明讚陳妍希瘦咗，氹到啱啱 30歲生日嘅壽星好開心。 
同《戰狼 300》男主角 Gerard Butler握手 say hello，紅姑照例唧出「風情萬種」表情。
紅姑 tube dress上陣 sell性感，不過，一雙壯臂，更加無所遁形。 
國際品牌活動請嘉賓都要國際化，台灣代表有林志玲，韓國就搵咗權相佑。 
撰文：八珍
全站熱搜
留言列表
