跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
成班明星過大海睇艷舞,未睇到熱血沸騰,已懂得自己 natural high,又用鞭又嘟嘴當熱身;無睇艷舞的何超瓊,只去自家公司活動一樣 high爆。
由何超瓊一手湊大的天機公關,上週六在時代廣場搞廿五周年相展,心情靚靚的 Pansy,早到之餘又肯跟記者吹水,「我識整西餅同豬腸卷㗎。」最正是她全程化身知客,頻頻拉嘉賓埋布景板影相,嚇得常避鏡頭的邢嘉倩面有難色;佢突然又 sell屎上身,拉住個世姪女(圓圖)到記者面前介紹,「佢叫 Charmaine,係手袋設計師……」更即場孭住對方設計的手袋硬銷,大顯公關公司老闆娘本色。
上週四,趙式芝同波爾錶太子女楊如芯去澳門睇《 TABOO色惑》騷,趙式芝鬼馬地用鞭篤女伴(小圖),又咬鞭扮肉緊,唔通佢哋有另類情趣?「平時好 dry,所以出嚟玩吓……講笑啫!平時都無乜特別。」對於場內的露胸猛男,佢唔多領情,「佢哋好大汗,唔慣,但俾佢摸住影埋張相先。」
過氣林峯舊愛陳嘉桓,穿上幾嚿水的 Zara大露背裙出現相展,她當然爭取機會,好落力轉左轉右風騷晒玉背,點知不慎露出個價錢牌。咦?據知 Zara無 sample衫借俾明星,唔通佢諗住買咗唔剪牌,著一次然後退貨?
帶埋老公練海棠睇色惑騷的伍詠薇,居然敢攬住老公又調戲身邊猛男扮錫錫,伍姑娘仲碌大眼話:「好 high!絕對啱我同老公睇。」平時兩公婆有乜情趣先?她說:「我哋老土啲,攬住牆當跳鋼管舞,係搞笑版。」
撰文、攝影:名人組
tvbfun娛樂八掛大放送★
tvb4life 發表在 痞客邦 留言(0) 人氣()
留言列表