海洋公園拍拖正當熊黛林與城城分手鬧得熱烘烘之際，有網友就踢爆熊 06年與范駿訂婚，更將二人當年到海洋公園的拍拖相放上網。
滾熱辣
爆熊黛林有國產未婚夫 城城：件事唔係咁簡單
熊黛林自揭與郭富城七年情玩完，上周四（ 18日）更以受害人姿態現身，一句「唔知邊個先係無辜」，博得天下人同情。
正當大家戥熊黛林陰公時，有雜誌就踢爆她瞞住城城秘撻億萬富豪，拜金形象浮面。本刊更收到消息，原來熊黛林 06年搭上城城前，已收埋一位拍拖近四年的國產男友范駿，熊當時更與對方訂了婚。范駿與城城地位身家相差十萬九千里，熊黛林始亂終棄，為做城嫂狠撇未婚夫。
正如城城話齋：「件事唔係表面睇咁簡單！」看來他們分手的瘡疤，只會愈揭愈多。
本刊上期踢爆郭富城與熊黛林原定今年 10月結婚，但因苟芸慧介入，城城貪新忘舊，決絕向熊黛林悔婚。不過事件另有別章，原來熊黛林昔日亦曾做過負心人，為黐城城而狠心拋棄「糟糠」。
熊黛林因愛生恨，郭富城則無痛失戀，二人行徑極端。他們分手至今一周，衰事愈揭愈多，最後卻演變成罵戰。 
恩愛拖手熊黛林當時未識城城，知名度欠奉，故她高調與前度於大庭廣眾拖手。 
天橋結緣同聲同氣的熊黛林與范駿 03年因行騷認識，二人拍拖三年多便火速訂婚。
十佳名模
晒肌吸客范駿於模特兒公司網站晒露肌相，務求吸引客戶注意。 
正版阿 Rain 
身高六呎二吋的范駿，微絲細眼，但身形健碩，驟眼睇似韓星 Rain。
主動撩訂婚
輕鬆甩雀城城被爆分手後，心情冇異樣之餘更頻頻玩樂。上周四（ 18日），他被拍得到灣仔打麻雀耍樂，玩到翌日至走。《蘋果日報》圖片
事件追溯至十年前，當時青春少艾的熊黛林，為了養家，由家鄉蘇州隻身到上海這個繁華大都會。五呎十吋高的熊黛林順理成章做模特兒靠身材搵食，當年熊芳心寂寞，迅速搭上同是模特兒的范駿。知情人士說：「佢哋當時好好感情，成對連體嬰咁，阿 Lynn（熊之洋名）仲喺佢朋友面前稱呼范駿做老公。」據知一直渴望嫁人的熊黛林， 06年主動叫男方娶她。「內地模特兒事業競爭好大，阿 Lynn同范駿餐搵餐清，但 Lynn嗰陣話唔介意一齊捱，咁范駿覺得大家都拍咗拖三年幾，結婚都係遲早嘅事。佢哋先訂婚，俾咗對方承諾先，打算搵到第一桶金就結婚。」
06年中，內地模潮殺入香港，熊黛林眼見當時是搵錢的大好時機，決定由上海來港發展。當時范駿為怕熊黛林唔適應香港的步伐，更曾來港陪她開工。二人當時亦有到過海洋公園參觀，十足自由行。但人生充滿變數，熊黛林很快便被城城睇中，獲邀擔任 MV女主角。知情人士說：「其實阿 Lynn又點會唔適應香港生活吖，佢當時知道同天王合作，一早部署好晒。阿 Lynn又真係行運，連天王都睇中佢。」
前度苦等多年
一個是當紅天王，身家過億；一個是國產窮 model，隨時入不敷支。熊黛林唔使秤，話咁快已狠心撇前度，費事被城城挖到其情史。知情人士說：「阿 Lynn突然同范駿講要分手，范駿當然唔甘心。之後佢睇到報道話未婚妻溝掂城城，范駿都一廂情願等佢回心轉意。不過人會變月會圓，阿 Lynn之後直頭連手提電話號碼都改埋，決絕斷纜。所以依家城城同阿 Lynn斷纜，范駿心都涼埋。」
城城移情苟芸慧的傳聞甚囂塵上，加上城城連日來表現風騷，繼續四圍躝街搵娛樂，而不擅辭令的苟芸慧又講多錯多，令各界認定熊黛林是今次事件的最大受害人。一向對私人事低調處理的城城，眼見新歡成為箭靶，終於出聲。上周六（ 20日），城城於北京出席活動時自動波說：「件事唔係表面上睇到嘅咁簡單，性格都好重要……放手或者俾對方搵到更好嘅人。」似暗寸熊放料故弄玄虛。周二（ 23日），城城再度發功，他被問到分手原因時再說：「每個人決定都有佢嘅原因，有啲時候唔好強求。」
借病唔答周三（ 24日）下午，熊黛林在兩名助手陪同下，現身寓所停車場。記者就她未婚夫一事問她，她立即咳了兩聲，借病唔答。 
落寞搞證之後熊黛林到灣仔入境處申辦證件，她全程未有除下黑超。 
風騷露罅周三（ 24日），苟芸慧出席活動時風騷大晒事業線，提到獲城城力撐時，她由心而發笑了幾聲。
熊封嘴避談
據知事業剛起步的苟芸慧，今次事件對她影響最大，小三形象令不少廣告商卻步，就連無綫都要抽起她《金枝慾孽貳》的宣傳。周三（ 24日），記者就熊黛林收埋國產未婚夫一事問過苟，以為她一言不發，豈料伊人乘勢狙擊：「大家唔好再講，時間可證明一切。」
至於剛完成韓國散心之旅的熊黛林，周三（ 24日）下午，由寓所外出申辦證件。其間，記者向她遞上她與前未婚夫范駿的合照時，她望了一眼便說：「我病咗，把聲出唔到，唔答！（係咪同相中人訂過婚？）唔答。」被𢱑昔日瘡疤，封嘴唔答應該是最好方法。
城熊幫互片
城熊斷尾，隨即引起兩幫粉絲於網上互相廝殺，熊派粉絲更公然於城城微博留言鬧他負心薄情。兩邊經理人最終抵唔住頸幫拖。
小美寸冇修養城城經理人小美一直被指唔妥熊黛林，她於微博發火說：「有甚麼樣式的藝人就有甚麼樣式的粉絲。」擺明寸熊冇修養。 
Kim踩愈搞愈衰熊黛林經理人 Kim一直拒評事件，但小美發言後， Kim終在微博還擊，暗踩小美的留言是「以辱罵還辱罵」。 
撰文：娛樂組
攝影：攝影組
留言列表
