U花 U草
轉科讀牙醫 許廷鏗師妹 瑞典留學開竅
香港學生為得大學學位，狂咪書是指定動作，甚至誇張到一星期補足 5日習，個個操到頭昏腦脹。
入到心水大學及科目當然可喜，即使派得「水泡科」，學生都會「是但」照讀，不過曾經到瑞典哥德堡留學的麥穎珩（ Bella），就深被當地「以興趣行先」的讀書風氣打動，即使去年成功考入港大社會科學系，仍毅然做半年全職牙科護士，才重考心儀的港大牙科。 Bella自信地說：「因為怕失敗而留喺社會科學系，我唔甘心！」
別以為這位準牙醫畢業後會留在診所睇病，「我最想去第三世界睇症，嗰度環境較差，好需要幫助，而且當地牙齒的質素一定比較差，去到會見多啲唔同嘅 case，學到唔同嘅嘢！」
兩年前， Bella父母到瑞典做海產加工生意，原讀名校瑪利諾修院的 Bella，放棄留港考高考，跟家人到全球快樂指數第 7的瑞典讀高中，亦從此改變了她的讀書心態。「以前讀瑪利諾只識努力咪書，到咗瑞典，讀書輕鬆得多，一個學期只有一次測驗同考試，功課又冇香港咁多，而且當地生活步伐又慢，冬天放假就去滑雪，夏天就去摘士多啤梨，好寫意， quality of life其實都好重要！！」
隨家人回港， Bella亦帶着 IB（國際預科證書課程） 41分成績（ 45滿分），考入港大社會科學系，但讀了半年便放棄學位，「喺瑞典時，朋友分享咗喺尼泊爾做牙醫經驗，覺得𠵱科先係我夢想，所以讀了半年 Social Science就退學，出去搵做牙科護士，跟牙醫學嘢！」夠膽為夢想退學，跟瑞典文化有關，「大部分瑞典同學，高中畢業唔會即時報大學，佢哋會騰出一年空檔（ Gap Year）去搵工作，認清自己興趣，先至再報心儀科目！」
大學教授：太冒險
一談起瑞典便滔滔不絕的 Bella大讚當地生活夠放鬆，「嗰邊空氣好又舒服， weekend同朋友曬吓太陽又一日，唔似得香港淨係行街唱 K！」咁凍都有太陽曬？
畢業似選美
雖然 Bella只在瑞典留學兩年，但她和寄宿家庭的「父母」感情非常要好，「 host family嘅『父母』，教我瑞典文同煮瑞典菜，而高中畢業禮當日唔會着傳統畢業袍，女仔着白色裙，又有花收又舉牌，仲成家人同我一齊慶祝，好開心！」
U花 U草：只要是各大專界的靚仔靚女，《 FACE》就會介紹給大家認識。
撰文：葉浩婷
攝影：何榮亮
化妝： Wing@Wing L image
形象： Bryan@the Flaming
服裝： Bershka
鳴謝： Go Dutch Cafe
留言列表
