對於當晚比賽只有近一半入座率, Summer說已經盡最大努力,而且現場氣氛算熱烈, Summer話算做有交代。
Main Camp
貼$40,000搞聯校 sing con 7大學搞手怕蝕放飛機
做大學生要上莊搞活動,但其實學會經費有限,學生搞活動要自負盈虧超頭痕!
大學所屬學會經費不足,聯校組織就更難班水,上週五( 5日),大專界重頭戲之一的聯校歌唱比賽( ICMA),請到台灣林曉培及港 band Kolor做嘉賓,又於九展千人展覽廳大搞,但搞手之一、現讀教育學院的 Summer,卻於籌備期間食盡驚風散,贊助商走數、莊員失蹤,門票滯銷,最終每位成員倒貼$5,000蚊先成事,最心淡係有其他大學聞錢放飛機, Summer說:「原來講錢就係咁現實!」
林曉培最 hit雖然 1,500座位未能滿,但林曉培一上台獻唱名曲〈心動〉及〈娃娃愛天下〉,全場觀眾即時瘋狂跟住唱,氣氛超好,搞手 Summer先笑得出!
近年 ICMA搞的聯校歌唱比賽多餘,以去年最嚴重, Summer說:「上莊請咗謝安琪,仲喺伊館搞,結果每人勁蝕$6,000!」
輪住縮沙
街頭賣唱宣傳Summer及一眾莊員,眼見離開騷只有幾日,還有近一半門票未售出,所以急急在旺角行人專用區及理大對出天橋賣歌速銷,可惜成效始終唔理想。
減價散飛理大開初已經表明不會派人上莊,只稱會協助賣飛,但上週三( 3日), Summer到理大推銷時,卻沒有理大生在場, Summer還要臨時減價散飛。
親戚撐場為了更多人買飛,各莊員都出動家人朋友,比賽當日見不少上年紀的觀眾,明顯就是搞手及參賽者家人撐仔女。
細場冇人吼
毫無經費下,活動只全靠門票收益及贊助商支持,對於一眾搞活動初哥, Summer及眾莊員都打定輸數,但仍堅持豪搞,難免會被人指死充, Summer無奈解釋,「我哋都唔想充大頭鬼,一開始有諗過搞細型啲,唔去九展改喺教院搞,甚至唔請星,但結果有參賽者話聯校去番學校場唔參加!觀眾又話冇星唔買飛,內外壓迫,我哋先惟有大搞!」
當晚近 1,500個座位,入座率只得一半, Summer說只能怪自己冇經驗,「其實自己都蠢,唔識點同啲 agent公司傾,俾 agent一直食住都唔敢出聲,更有贊助 agent臨時甩底,如果唔係,一半入座率都可以封蝕本門,不過今次真係一個好好嘅經驗。我自己係教院音樂學會莊員,雖然話貼錢搞最大型嘅聯校活動,但大學係最後一個地方畀你唔計個人得失,蝕咗唔會俾人炒嘅地方,就算𠵱家 14個莊員, 14位莊員每人蝕近 3,000蚊(共蝕約 4萬),都覺得值得!」
學會搵錢自救
老蘭搞 P勁賺
理大 S U收佣賣雜貨
為賺經費,各出奇招,有學校搞跳蚤市場賺錢, 11年理大學生會就開專櫃賣蘋果電子產品,從中抽佣,最後被同學踢爆,無牌雜廠配件當蘋果原廠貨價賣,指學生會做奸商幫兇。
迎新營推銷信用咭
多年前銀行會在大學 O Camp期間,叫學生會包銷信用咭,成功申請學會就有 5-10元回報,雖然近年學會已較少找銀行贊助,但某些如跆拳道、攝影等小型學會,仍會以上述方法收資金。
留言列表