始源去到邊都有幾位保鑣傍實，不過佢都冇刻意同 fans保持距離，反而兩度走近 fans握手，呢啲咪係真正巨星囉！

FBI
SJ始源錫死港女
又係星期三，另一 K-pop天王 Super Junior成員崔始源，為 Giorgio Armani新店擔任開幕嘉賓。

FBI聽聞崔始源今次來港出席活動酬勞，計埋機票、住宿、保鑣，總數高達 7位數字，但活動當日，崔始源只逗留喺鋪頭 30分鐘，快閃過快閃黨。不過崔始源就好識冧 fans，一到場就用廣東話說：「好耐冇見！好掛住你！」佢仲兩度走近 fans同佢哋握手，但入到鋪頭就只係兜咗個圈， FBI明白點解咁多港女冧始源喇！

扮粉絲

原來 4年前始源有機會演出章子怡監製的《非常完美》，但最終李杰夫一角由另一韓星李志燮演出，唔怪得喺 Armani晚宴，始源主動要求同章子怡合照，點解佢好似小 fans咁要企喺度，章小姐就坐喺度郁都唔郁呢？

除咗識冧 fans，當晚始源仲同何超瓊及天機公關 CEO鄭紹康打好關係，唔似其他韓星擺款，抵讚！
趕住冧 fans

始源嚟到香港，即刻喺微博寫「我來了，美麗的香港！」

  

臨走始源再 update twitter，一再多謝香港 fans，之前有傳 SJ今年香港開騷，賣飛一定冇問題啦！

撰文、攝影： FBI

arrow
arrow
    全站熱搜
    創作者介紹
    創作者 tvbfun 的頭像
    tvbfun

    tvbfun娛樂八掛大放送★

    tvb4life 發表在 痞客邦 留言(0) 人氣()

    E-mail轉寄