高皓正早前因在facebook發表「婚前性行為」及「自瀆論」，遭網民揶揄他為「高主教」，連卓韻芝亦寸爆他「奉主之名自瀆」，火藥味十足！

不過他一於少理，日前再在facebook自爆曾到一名女藝人的家驅魔，既惹來全城猜測女事主身份外，網友再炮轟他「老作」及質疑其資格，但無懼抨擊的他既大方向本刊細述驅魔過程，更講述一件跟周永恒一起經歷的神蹟。

除了跟本刊細說驅鬼事件，高皓正更講述與周永恒祈禱時一起遇過的神蹟。

他與周永恒一起祈禱時曾看見手機中麵包店的異象，令他驚歎。

高皓正的左右手均戴上跟信仰有關的戒指。

叔叔冇入屋

高皓正日前憶述某夜凌晨，被急召到一位女藝人家驅魔，皆因其兩歲女兒經常看見一位「叔叔」在家中出現，其丈夫更受「叔叔」唆擺而兩度自殺。

他對本刊表示時說：「嗰個女藝人冇宗教信仰，但屋內有好多風水布局，我哋入屋後即叫佢哋掉晒啲擺設，然後我哋喺四周抹以色列油同禱告。個細路女之後即刻變得開心活潑，仲畀我抱抱！第二日佢仲話之前個『叔叔』只係企喺露台，冇再入屋。」

對於網友質疑他有何能力驅鬼，甚至有牧師斥他「魔、鬼不分」，自稱非首次驅魔的他說：「驅魔係講信心，就算牧師都係靠神嘅能力，聖經上都有寫，所有信徒只要『奉主耶穌之名』都可以驅魔。

「我哋抹油並唔係法器，抹油好普遍。有啲弟兄姊妹本身受黑暗勢力影響，去聚會時會feel到『有啲嘢』想走，祈禱時又好似有外力阻止佢咁，都會搵牧師幫手咁樣驅魔。」

曾有「中大謝霆鋒」之稱的他，亦被指貌似龍心，在其微博上也有跟龍心相似的照片。