Gigi每年生日，都叫 fans、朋友唔好送禮物，要送就捐去慈善機構，但 Sergio知道老婆想要部 iPad mini，特登刻埋個名送畀 Gigi，唔喊就假！
FBI
梁詠琪連喊 2晚
3.25係 Gigi 37歲生日，一向錫 fans嘅佢，喺生日前一日包咗中環 Backstage，同 fans慶祝兼搞迷你音樂會，最感動係早前有一位女歌迷因為車禍，喺 ICU昏迷咗 3個月，點知歌迷媽咪日日播 Gigi嘅歌，最後竟然有奇蹟，女歌迷嘅手指開始有反應，終於康復，今次聚會兩母女一齊到場， Gigi開心到喊！
到咗正日， Gigi當然陪住 Sergio， Sergio仲花咗 2個月時間搞咗個 surprise party，當晚先同老婆撐枱腳，事前 call定一班老友，好似楊采妮、許茹芸、孖生細佬同舊同學，喺中環蘭桂坊準備，又搞到 Gigi眼濕濕， Gigi話︰「要 Sergio搞驚喜真係好難，因為佢成日都忍唔住講畀我知，但今次好成功，琇琇（許茹芸）仲專登喺台灣飛嚟香港，真係好驚喜。」
幾經辛苦， Sergio先帶 Gigi到蘭桂坊，一開門見到成班老友在場， Gigi忍唔住要咀啖老公多謝佢。 
經理人阿詩一邊同 Sergio聯絡，佢哋一到門口，就叫楊采妮等人開始唱生日歌。 
女歌迷奇蹟醒來，同媽咪一齊到場， Gigi同佢哋傾咗好耐，得知對方已經好番，都感動到喊，不過 Gigi貪靚，唔畀 FBI影佢喊相。 
Gigi包場搞 party，請 180位歌迷齊齊過生日，又喺屋企拎咗幾份購自西班牙嘅小禮物送畀 fans。 
撰文、攝影： FBI
全站熱搜
留言列表
