呢啲叫幸福！（設計對白）
鼻圓面圓嘅蘭子喺減價貨品範圍唔願走，十足師奶一樣。都好嘅，知慳識儉先做到好老婆。

媽咪姐
陳淑蘭精明肥師奶
媽咪姐最鍾意睇型佬，新劇《仁心解碼Ⅱ》有港版李察基爾方中信呀！梗係日日追啦。

每一位型佬都有過去，媽咪姐早幾日就見到方中信廿年前嘅拖友陳淑蘭，佢孖住男友人喺銅鑼灣行街。 43歲嘅蘭子素顏出巡，身形發脹唔少，孕味濃喎！見到廚房用品大減價仲特別興奮，拎住杯碟左睇右睇，半粒鐘都唔願走，最後買咗兩套碗，再轉戰樓下南貨舖買埋鹹魚！咦，無啦啦買咁多家品，難怪早前有傳佢同希慎集團後人利承武已經秘密結咗婚。睇嚟下次見到蘭子，可能要叫聲「利太」嘞！

睇番資料原來方中信同蘭子 93年拍拖，四年後分手。有傳當時蘭子不滿莫可欣介入，上門找佢晦氣，其間發生衝突，莫可欣被佢打傷。嘩！

蘭子落街即戴超，手指指帶路，男友人就幫佢拎戰利品，少奶出巡係唔同啲。

蘭子彎低身聞聞聞，揀鹹魚都好認真！

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄